Thursday, March 28, 2024

आता सामान्य जीवन जगू शकेल ‘ती’, वाचा सोनू सूदची नवी कामगिरी; तुम्हीही कराल कौतुक

बॉलिवूड अभिनेता सोनू सूद (Sonu Sood) नेहमीच सोशल मीडियावर चर्चेत असतो. लॉकडाऊन दरम्यान लोकांना घरी आणण्यापासून ते युक्रेनमध्ये अडकलेल्या विद्यार्थ्यांना देशात परत आणण्यापर्यंत, या अभिनेत्याने प्रत्येक प्रसंगी लोकांना मोठ्या प्रमाणात मदत केली आहे. याशिवाय अभिनेता सोशल मीडियाच्या माध्यमातून सतत गरजूंना मदतीचा हात पुढे करत असतो. अशातच पुन्हा एकदा या अभिनेत्याच्या दातृत्वाची आणखी एक कहाणी समोर आली आहे. 

खरं तर सोनू सूद बिहारमधील एका चिमुकल्या मुलीसाठी देवदूत ठरला. चार पाय आणि चार हातांनी जन्मलेली अडीच वर्षाची मुलगी आता सोनू सूदमुळेच सामान्य आयुष्य जगू शकणार आहे.आयुष्य निघून जाईल. सध्या मुलीला काही दिवस रुग्णालयातच राहावे लागणार आहे. अभिनेता सोनू सूदच्या प्रयत्नांनंतर या मुलीवर सुरत येथील रुग्णालयात शस्त्रक्रिया करण्यात आली, त्यानंतर ती आता सामान्य जीवन जगू शकणार आहे. सध्या मुलीला काही दिवस रुग्णालयातच राहावे लागणार आहे. (actor sonu sood helps little bihar girl who was born with four legs four arms)

विशेष म्हणजे या मुलीच्या शस्त्रक्रियेचा संपूर्ण खर्च सोनू सूदने स्वतः केला आहे. या अभिनेत्याचे पुन्हा एकदा त्याच्या कामामुळे कौतुक होत आहे. सोशल मीडियावर चाहते त्यांच्या आवडत्या स्टारचे कौतुक करत आहेत. बिहारच्या नवादा जिल्ह्यातील रहिवासी असलेल्या चौमुखी कुमारीचे सोशल मीडियावरील फोटो पाहिल्यानंतर, सोनू सूदने मुलीचे ऑपरेशन करण्याचे आश्वासन दिले होते, जे आता अभिनेत्याने पूर्ण केले आहे.

मुलीच्या ऑपरेशननंतर सोनू सूद त्याच्या व्यस्त वेळापत्रकामुळे तिला भेटण्यासाठी पोहोचू शकला नाही. पण बातमीवर विश्वास ठेवला, तर अभिनेता लवकरच चौमुखी कुमारीला भेटणार आहे. चौमुखी कुमारीच्या यशस्वी ऑपरेशनचा आनंद व्यक्त करणारे एक ट्वीटही सोनूने शेअर केले आहे. याशिवाय, लवकरच अभिनेता त्याच्या इतर आश्वासनानुसार गावात चौमुखी कुमारीच्या नावाने शाळा देखील उघडणार आहे. त्यासाठी गावातील प्रमुखाने जमीनही दान केली असून, त्यावर लवकरच बांधकाम सुरू होणार आहे.

सोनू सूद नुकताच प्रदर्शित झालेल्या ‘आचार्य’ या तेलगू चित्रपटात दिसला होता. या चित्रपटात अभिनेता खलनायकाच्या भूमिकेत दिसला होता. या चित्रपटात सोनूसोबत चिरंजीवी आणि राम चरण मुख्य भूमिकेत होते. याशिवाय सोनू ‘पृथ्वीराज’ या चित्रपटातही दिसला होता. या चित्रपटात सोनू सूद व्यतिरिक्त बॉलिवूड अभिनेता अक्षय कुमार आणि मानुषी छिल्लर मुख्य कलाकार म्हणून दिसले होते.

दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा

हेही वाचा

हे देखील वाचा