प्रेम ही अशी भावना आहे जी सर्व अडथळे तोडत त्यांच्यावर मात करत पुढे जाते. जात, धर्म, समाज, वय, व्यवसाय इत्यादी बंधनांच्या वर हि भावना असते. सिनेविश्वातील अभिनेत्री आणि भारतीय राजकारणी यांच्यात प्रेमाची फुले उमललेली पाहून अशीच उदाहरणे आपल्याला पाहायला मिळतात. हि लोकं फक्त प्रेमात पडली नाहीत तर एकमेकांचा हात धरून आयुष्यभर एकत्र राहण्याची शपथही घेतली. आज प्रत्येकजण आपले जीवन आनंदाने जगत आहे. जाणून घेऊया अशा अभिनेत्रींबद्दल ज्यांनी राजकारण्यांशी आपले सुत जुळवले आणि पुढे त्यांच्याशी लग्नही केले.
परिणीती चोप्रा आणि राघव चड्ढा
परिणीती चोप्रा आणि राघव चड्ढा यांची लव्हस्टोरी खूपच रंजक आहे. राघव चढ्ढा हे ‘आम आदमी पार्टी’चे युवा राजकारणी आहेत. लंडनमध्ये एका कार्यक्रमादरम्यान दोघांची भेट झाली. परिणीती आणि राघव पहिल्या भेटीतच एकमेकांच्या प्रेमात पडले. दोघेही एकमेकांना बराच काळ डेट करत होते. मात्र, यादरम्यान त्यांनी त्यांचे नाते जाहीरपणे स्वीकारले नाही, पण नंतर दोघांनी साखरपुडा करून लग्न केले.
स्वरा भास्कर आणि फहाद झिरार अहमद
बॉलिवूड अभिनेत्री स्वरा भास्करने फहाद अहमची जीवनसाथी म्हणून निवड केली आहे. फहाद अहमद हा विद्यार्थी नेता आणि सामाजिक कार्यकर्ता आहे. टाटा इन्स्टिट्यूट ऑफ सोशल सायन्सेसच्या स्टुडंट युनियनचे सरचिटणीस म्हणून त्यांनी काम केले आहे. २०२२ मध्ये त्यांनी समाजवादी पक्षाचे सदस्यत्व स्वीकारले. दोघांनी पुढे लग्न केले. स्वराला तिच्या लग्नाबाबत खूप ट्रोलिंगला सामोरे जावे लागले होते.
आयेशा टाकिया आणि फरहान आझमी
२००९ मध्ये अभिनेत्री आयशा टाकियाने महाराष्ट्रातील समाजवादी पक्षाचे आमदार फरहान आझमीसोबत लग्न केले. रिपोर्ट्सनुसार, आयशाने फरहानशी लग्न करण्यापूर्वी तिचा धर्मही बदलला होता. दोघांच्या लग्नाला १५ वर्षे झाली आहेत. त्यांना एक मूलही आहे.
नवनीत कौर राणा आणि रवी राणा
तेलुगू चित्रपट अभिनेत्री नवनीत राणा हिने २०११ मध्ये अपक्ष आमदार रवी राणासोबत लग्न केले. नवनीत आणि रवीची प्रेमकहाणीही खूप रंजक आहे. मीडिया रिपोर्ट्सनुसार, योग शिकत असताना त्यांची प्रेमकहाणी सुरू झाली. खरे तर नवनीत राणा बाबा रामदेव यांचा मोठा चाहता आहे. नवनीतने लग्नासाठी बाबा रामदेव यांच्याकडून परवानगी घेतल्याचे सांगण्यात येत आहे.
राधिका कुमार स्वामी आणि एचडी कुमारस्वामी
२००६ साली कन्नड अभिनेत्री राधिका कुमारस्वामी यांनी कर्नाटकचे माजी पंतप्रधान एचडी कुमारस्वामी यांच्याशी लग्न केले. दोघांच्या वयात २७ वर्षांचे अंतर आहे. रिपोर्ट्सनुसार, राधिकाने गुपचूप लग्न केले होते, ज्याचा तिने नंतर खुलासा केला. राधिका ही एचडी कुमारस्वामी यांची दुसरी पत्नी आहे.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा –
सन ऑफ सरदार 2 मधून संजय दत्त बाहेर ! संजयची अटक ठरली कारणीभूत…
