Monday, June 24, 2024

सुशांत सिंग राजपूतच्या चाहत्यांसाठी मोठी बातमी, हा हिट चित्रपट पुन्हा होणार प्रदर्शित

बॉलिवूड अभिनेता सुशांत सिंग राजपूतने (Sushant Singh Rajput) १४ जून २०२० रोजी जगाचा निरोप घेतला. त्यांनी त्यांच्या करिअरमध्ये अनेक चित्रपटांमध्ये काम केले होते. ‘केदारनाथ’, ‘काई पो चे’, ‘शुद्ध देसी रोमान्स’, ‘छिछोरे’ आणि ‘सोनचिरिया’ हे त्याच्या कारकिर्दीतील प्रमुख चित्रपट आहेत. या सर्वांशिवाय सुशांतचा आणखी एक चित्रपट आहे, जो रिलीज होताच बॉक्स ऑफिसवर हिट झाला आणि हा चित्रपट पुन्हा एकदा चर्चेत आला आहे.

आत्तापर्यंत तुम्हाला अंदाज आला असेल की आम्ही सुशांतच्या कोणत्या चित्रपटाबद्दल बोलत आहोत, आम्ही ‘एमएस धोनी: द अनटोल्ड स्टोरी’ या चित्रपटाबद्दल बोलत आहोत, जो भारताचा माजी कर्णधार एमएस धोनीचा बायोपिक आहे. हा चित्रपट चर्चेत असण्याचे कारण म्हणजे त्याचे स्पेशल स्क्रिनिंग पुढील महिन्यात होऊ शकते.

एमएस धोनी 7 जुलै रोजी त्याचा 43 वा वाढदिवस साजरा करणार आहे. मीडिया रिपोर्ट्सनुसार, या खास दिवसासाठी त्याचे चाहते ‘एमएस धोनी: द अनटोल्ड स्टोरी’च्या स्क्रीनिंगची योजना आखत आहेत. तेलुगु 123 वेबसाइटच्या रिपोर्टनुसार, हा चित्रपट आंध्र प्रदेश, तेलंगणा आणि बंगळुरूमध्ये प्रदर्शित केला जाणार आहे.

‘एमएस धोनी: द अनटोल्ड स्टोरी’ 2016 मध्ये रिलीज झाला होता. या चित्रपटात सुशांत सिंग राजपूतने धोनीची भूमिका चांगली साकारली आहे. IPL संपल्यानंतर आणखी एक मोठी क्रिकेट स्पर्धा – T-20 विश्वचषक सुरू झाला आहे. अशा परिस्थितीत चित्रपटाचे स्पेशल स्क्रिनिंग होणे ही सुशांत आणि धोनीच्या चाहत्यांसाठी आनंदाची बाब आहे. गेल्या वर्षी मे महिन्यात हा चित्रपट पुन्हा प्रदर्शित झाल्याची माहिती आहे.

दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा

हेही वाचा-

भारतीय नागरिकत्व मिळाल्यानंतर अक्षय कुमारने पहिल्यांदाच केलं मतदान
कायदेशीर वादानंतर रणबीरच्या चित्रपटाचे नाव बदलणार, या ‘केरळ स्टोरी’ अभिनेत्रीची एन्ट्री

 

 

हे देखील वाचा