Bobby Deol And Sunny Deol| आजकाल बॉबी देओल अॅनिमलच्या संपूर्ण टीमसोबत चित्रपटाच्या यशाचा आनंद घेत आहे. जरी त्याला चित्रपटात कमी वेळ मिळाला तरीही तो लोकांवर छाप सोडण्यात यशस्वी ठरला. अॅनिमलमध्ये खलनायकाच्या भूमिकेसाठी बॉबी देओलचे खूप कौतुक होत आहे.
जर तुम्ही चित्रपट पाहिला असेल तर तुम्हाला आठवत असेल की चित्रपटात बॉबी देओलचा एक सीन आहे, जिथे त्याला कळते की त्याच्या लहान भावाची हत्या करण्यात आली आहे. हे ऐकून आधी तो माहिती देणार्‍याचा जीव घेतो आणि मग तो स्वतःच ढसाढसा रडायला लागतो. या दृश्यावर चित्रपटगृहांमध्ये टाळ्यांचा कडकडाट झाला.
अलीकडेच मीडियाशी संवाद साधताना बॉबी देओलने सांगितले की, हा भावनिक सीन शूट करताना तो त्याचा मोठा भाऊ सनी देओलची आठवण करत होता, त्यामुळे भावना अगदी खऱ्या वाटत होत्या.
बॉबी म्हणाला की, ‘त्या सीनमध्ये भाऊ गमावल्याचे दुःख दाखवण्यात आले आहे. आपल्या भावना बाहेर काढण्यासाठी आम्ही कलाकार अनेकदा आपल्या वैयक्तिक आयुष्याशी संबंधित घटना लक्षात ठेवतो. अशा परिस्थितीत मीही माझ्या मोठ्या भावाचा विचार करून हा सीन केला आहे आणि त्यामुळेच प्रेक्षकही या भावनिक दृश्याशी जोडू शकतात.
बॉबी पुढे म्हणाला, ‘हा सीन कट होताच संदीप माझ्याकडे आला आणि म्हणाला, सर, हा एक पुरस्कार विजेता शॉट आहे. मी त्याचे आभार मानले आणि म्हणालो की तुमच्या कथेचा अर्थ खूप आहे.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
Suniel Shetty About KL Rahul | सुनील शेट्टीला वाटते जावयाची काळजी; म्हणाला, ‘त्याला कोणी बोलले की मला खूप वाईट वाटतं…’
Ravindra Berde Death | मराठी सिनेसृष्टी शोकसागरात, लक्ष्मीकांत बेर्डे यांचे भाऊ रवींद्र बेर्डे यांचे निधन
