सिनेसृष्टीतील अनेक कलाकार आपल्या बहीण- भावासोबतचे जुने फोटो, व्हिडिओ शेअर करत असतात. यामध्ये बॉलिवूडची अभिनेत्री श्रुती हासन हिचाही समावेश आहे. श्रुतीदेखील सोशल मीडियावर चांगलीच सक्रिय असते. श्रुती आणि तिची बहीण अक्षरा हासनमध्ये चांगले संबंध आहेत. त्या दोघीही सोबत फोटो शेअर करत असतात. नुकताच श्रुतीने जुन्या आठवणींना उजाळा देत अक्षराच्या लहानपणीचा एक मजेशीर फोटो शेअर केला आहे. यामध्ये श्रुतीही दिसत आहे.
श्रुतीने आपल्या अधिकृत इंस्टाग्राम स्टोरीवर लहानपणीचा एक फोटो शेअर केला आहे. हा फोटो ओळखणेदेखील कठीण झाले आहे. या फोटोत ती तिची बहीण अक्षरासोबत दिसतेय. श्रुतीने या फोटोमध्ये रंगीत टॉप आणि निळ्या- पांढऱ्या रंगाची पँट घातली आहे. यामध्ये तिचे केस खूप लहान असल्याचे दिसत आहे. या फोटोत ती तिच्या बहिणीला आपले मसल्स दाखवताना दिसत आहे.
दुसरीकडे तिची बहीण अक्षरा खूपच लहाण दिसत आहे. ती मजेशीर अंदाजात बहिणीकडे इशारा करत कॅमेऱ्यासाठी पोझ देत आहे. तिने काळ्या रंगाचा टॉप आणि निळ्या रंगाची जीन्स घातली आहे.
श्रुतीचे अनेक चाहते हा फोटो पाहून आनंद व्यक्त करत आहेत. तसेच अनेक प्रतिक्रियाही देत आहेत.
कमल हासन यांच्या दोन्हीही मुली म्हणजेच श्रुती आणि अक्षरा सोशल मीडियावर एकमेकांसोबतच फोटो आणि व्हिडिओ शेअर करत असतात. नुकतेच श्रुती आपल्या ‘क्रॅक’ या नवीन चित्रपटाचा आनंद लुटताना दिसत आहे. हा सिनेमा यावर्षी चित्रपटगृहांमध्ये रिलीझ झाला आणि चाहत्यांकडून या चित्रपटासाठी चांगल्या प्रतिक्रिया मिळाल्या.
श्रुती हासन अभिनित ‘क्रॅक’ एक थ्रिलर- मिस्ट्री चित्रपट आहे. याचे दिग्दर्शन गोपीचंद मालिनी यांनी केले आहे. या चित्रपटाचे बजेट १६.५ कोटी रुपये होते. या चित्रपटात रवी तेजा मुख्य भूमिकेत दिसला आहे. हा दक्षिण भारतीय चित्रपट तेलुगु भाषेत बनवण्यात आला आहे. वरालक्ष्मी सरथकुमार देखील महत्त्वाच्या भूमिकेत आहेत. हा चित्रपट ९ फेब्रुवारी रोजी रिलीझ केला होता.
हेही वाचा-
‘न्यूड’ फोटोच्या मागणीला अभिनेत्री पूजा हेगडेची जबरदस्त प्रतिक्रिया; एकदा पाहाच
“‘केजीएफ: चाप्टर २’ केवळ चित्रपट नाही तर…”, चाहत्याचे पंतप्रधान मोदींना पत्र; सोशलवर भन्नाट व्हायरल
