सिनेसृष्टीतील अनेक अभिनेत्री त्यांना कराव्या लागलेल्या कास्टिंग काऊच किंवा अत्याचाराच्या बातम्या नेहमीच सांगताना दिसत असतात. आता आणखी एका अभिनेत्रीने तिला आलेल्या असाच अनुभवाचा उल्लेख केला आहे. ‘क्रेझी रिच एशियन’ या चित्रपटातील भूमिकेसाठी प्रसिद्ध असलेली आशियाई अभिनेत्री कॉन्टेन्स वू हिने अलीकडेच एका खुलाशाने सर्वांना आश्चर्यचकित केले आहे. तिचा पहिला कॉमेडी शो ‘फ्रेश ऑफ द बोट’ करत असताना एका निर्मात्याने तिच्यावर लैंगिक अत्याचार केल्याचा आरोप अभिनेत्रीने केला आहे आणि धमक्यांचाही सामना केला.
मिळालेल्या माहितीनुसार, अभिनेत्रीने वॉशिंग्टन डीसीमधील अटलांटिक फेस्टिव्हलच्या मंचावर हजेरी लावताना या धक्कादायक घटनेचा उल्लेख केला. या अभिनेत्रीने सांगितले की, पहिल्या दोन सीझनमध्ये लैंगिक छळ आणि धमकी देऊनही तिने तोंड बंद ठेवले कारण दोन सीझनमध्ये यशस्वी झाल्यानंतर तिला नोकरी गमावण्याची भीती होती.
कॉन्स्टन्स वू सध्या तिच्या ‘मेकिंग अ सीन’ या पुस्तकामुळे चर्चेत आहे, या पुस्तकाच्या प्रकाशनाच्या वेळी ती बोलत होती. कॉमेडी शोदरम्यानच्या तिच्या अनुभवाबद्दल बोलताना अभिनेत्री म्हणाली “शेवटी मला समजले की याबद्दल बोलणे आवश्यक आहे, हा शो अमेरिकन लोकांसाठी ऐतिहासिक होता आणि मला या शोचा अभिमान आहे. मला आमचे प्रतिनिधित्व खराब करायचे नाही. ”
अभिनेत्री म्हणाली की मला नवीन सुरुवात करायची आहे आणि मला त्या कटू आठवणींनी शो सुरू करण्याची गरज नाही. छळ होत आहे हे फार कमी लोकांना माहीत होते. माझ्याशी मैत्री करून तो मला त्रास देत होता, प्रत्येक वेळी विश्वासघात झाल्यासारखे वाटले. माझे या शोमधील क्रूमधील प्रत्येक सदस्यावर प्रेम होते आणि मला त्यात काम करणे आणि त्या सर्व गोष्टींनंतर नवीन सुरुवात करण्याची वाट पाहणे मला आवडले. तथापि, अभिनेत्रीने निर्मात्याचे नाव उघड केले नाही.
हेही वाचा- काय सांगता! नोरा फतेही बंदुकीमुळे झाली होती जखमी? अभिनेत्रीने सांगितला भन्नाट किस्सा
फाल्गुनी पाठक यांचे गाणे रिमिक्स केल्याने नेहा कक्कर झाली ट्रोल; नेटकरी म्हणाले, ‘चांगल्या गाण्याची वाट…’
‘बिग बॉस’ ते ‘नागीण’, पाकिस्तानमध्ये आहे ‘या’ कार्यक्रमांवर बंदी, विचित्र कारणे ऐकून व्हाल चकित
