×

‘या’ कारणामुळे घरात बहिणीचे निधन झाले असताना जॉनी लिव्हर यांना करावा लागला होता स्टेज शो

हिंदी सिनेसृष्टीतील सर्वात लोकप्रिय अभिनेते म्हणून जॉनी लिव्हर (Johney Lever)  यांचे नाव प्रामुख्याने घेतले जाते. आपल्या विनोदी शैलीमुळे आणि कसदार अभिनयामुळे त्यांनी प्रेक्षकांना नेहमीच खळखळून हसायला लावले. त्यांच्या अभिनयाचे आणि कॉमेडिचे असंख्य चाहते पाहायला मिळतात. मात्र सध्या यशाच्या शिखरावर असलेल्या जॉनी लिव्हर यांना त्यांच्या सुरूवातीच्या काळात प्रचंड संघर्ष करावा लागला होता. याबद्दलचा एक किस्सा सांगताना ज्या दिवशी त्यांच्या बहिणीचा मृत्यू झाला त्याचदिवशी त्यांना एक कार्यक्रम करायचा असल्याचे सांगितले होते. काय होता हा किस्सा चला जाणून घेऊ. 

याबाबत संपूर्ण माहिती अशी की, एका मुलाखतीत बोलताना जॉनी लिव्हर यांनी आपल्या आयुष्यातील हा दुःखद प्रसंग सांगितला होता. जॉनी लिव्हर यांनी बॉलीवूड हंगामाला दिलेल्या मुलाखतीत सांगितले होते की, इतक्या मोठ्या दुर्घटनेनंतर ते लोकांना रडत घरी सोडून परफॉर्म करण्यासाठी गेले होते. जॉनी लिव्हर या कामगिरीला सर्वात कठीण कामगिरी मानतात. मुलाखतीत या घटनेचा उल्लेख करताना ते म्हणाले की, “माझ्या बहिणीचे निधन झाले होते आणि मला एक शो करायचा होता. रात्री 8 वाजता शो होणार हे मला माहीत होतं पण नंतर त्यांना कळलं की हा शो दुपारी 4 वाजताच करायचा आहे.”

जॉनी लिव्हर पुढे म्हणाले की, ‘”माझा मित्र आला आणि मला विचारले की शो रद्द झाला आहे का? मी म्हणालो की आता खूप रात्र झाली आहे. तो म्हणाला नाही, शो दुपारी ४ वाजल्यापासून सुरू आहे आणि तोही एका कॉलेजमध्ये फंक्शन आहे. मला वाटले की ४ वाजले आहेत..आणि घरी सगळे रडत आहेत. मी शांतपणे आत गेलो आणि जाऊन कपडे आणले. मी टॅक्सीमध्ये कपडे बदलले, तेव्हा माझ्याकडे कारही नव्हती. कॉलेजची गर्दी कशी असते हे सर्वांनाच माहीत आहे. तो फक्त परफॉर्मन्स पाहण्याच्या मूडमध्ये होता.” या घटनेची आठवण सांगताना जॉनी लिव्हर म्हणाले होते की, “तिथे परफॉर्म करणं खूप अवघड आहे पण मी ते कसं केलं आणि हिंमत कशी जमवली हेही सांगू शकत नाही. ही सर्व देवाची कृपा होती. हे सर्व आयुष्यातील क्षण आहेत जे येत राहतात.” आयुष्य असे आहे आणि त्यासाठी आपण तयार असले पाहिजे.

Latest Post