ऋषभ शेट्टी (Rishabh Shetty) यांच्या ‘कांतारा चॅप्टर १’ च्या निर्मात्यांनी आता ज्युनियर कलाकाराच्या मृत्यूबाबत एक निवेदन जारी केले आहे. ज्यामध्ये निर्मात्यांनी दावा केला होता की ज्युनियर आर्टिस्ट एमएफ कपिलचा मृत्यू चित्रपटाच्या सेटवर झाला नाही तर तो काही वैयक्तिक कामासाठी गेला असताना झाला. निर्मात्यांनी लोकांना खोट्या अफवा पसरवू नका असे आवाहनही केले आहे.
होम्बाले फिल्म्स या प्रॉडक्शन हाऊसने याप्रकरणी सविस्तर निवेदन जारी केले आहे. ज्युनियर आर्टिस्टचा सेटवर मृत्यू झाल्याच्या अफवांना त्यांनी फेटाळून लावत म्हटले आहे की, “अलीकडील चर्चेच्या पार्श्वभूमीवर, आम्ही हे स्पष्ट करू इच्छितो की ही घटना ‘कंतारा’च्या सेटवर घडली नव्हती. त्या दिवशी कोणतेही शूटिंग नियोजित नव्हते आणि ही दुर्दैवी घटना त्याच्या खाजगी कार्यक्रमादरम्यान घडली, जी चित्रपटाशी संबंधित कोणत्याही क्रियाकलापांच्या व्याप्तीबाहेर आहे. आम्ही सर्वांना चित्रपट किंवा त्याच्या क्रूबद्दल कोणत्याही प्रकारच्या अफवा पसरवण्यापासून परावृत्त करण्याची विनंती करतो.” कपिलच्या निधनाबद्दल निर्मात्यांनीही शोक व्यक्त केला.
कर्नाटकातील कोल्लूरजवळील नदीत पोहताना बुडून या ज्युनियर कलाकाराचा ६ मे रोजी मृत्यू झाला. ‘कंतारा’ चित्रपटाच्या शूटिंगला ब्रेक लागला असताना कपिलचा मृत्यू झाल्याचे वृत्त आहे. याबद्दल निर्मात्यांवर प्रश्न उपस्थित केले जात होते आणि त्यांच्यावर कायदेशीर कारवाईची मागणीही केली जात होती. आता निर्मात्यांनी अधिकृत निवेदन जारी केले आहे आणि या प्रकरणावर त्यांचे स्पष्टीकरण दिले आहे.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
सहाय्यक भूमिकेपासून सुरुवात तर आज आहे एक सुपरस्टार; जाणून विजय देवरकोंडाचा फिल्मी प्रवास
ऑपरेशन सिंदूरनंतर अनेक कलाकारांची उडाली झोप; या कलाकारांनी केला भारतीय सैन्याला सलाम
