Friday, March 29, 2024

व्हॅलेंटाईन डेच्या खास दिवशी गुपचूप लग्नबंधनात अडकला विक्रांत मेसी, अनसीन फोटो आले समोर

जगभरात व्हॅलेंटाईन डे साजरा केला जात आहे. प्रेमाच्या या खास दिवशी, असे अनेक सेलिब्रिटी एकत्र आले आहेत, ज्यांनी व्हॅलेंटाइन डेला लग्न केले आणि सात आयुष्य एकत्र राहण्याचे वचन दिले. आता या खास दिवशी बॉलिवूडचे आणखी एक जोडपे विवाहबंधनात अडकले आहे. हा स्टार दुसरा कोणी नसून ‘मिर्झापूर’चा अभिनेता विक्रांत मेसी (Vikrant Massey) आहे. होय, बॉलिवूड अभिनेता विक्रांत मेसीने सोमवारी (१४ फेब्रुवारी) व्हॅलेंटाईन डेला त्याची गर्लफ्रेंड शीतल ठाकूरसोबत लग्न केले.

माध्यमांतील वृत्तानुसार, विक्रांत आणि शीतल (Sheetal Thakur) यांनी सोमवारी (१४ फेब्रुवारी) वर्सोव्यातील त्यांच्या घरी विवाह केला आहे. यावेळी विक्रांत आणि शीतलच्या कुटुंबाव्यतिरिक्त फक्त जवळचे मित्र उपस्थित होते. विक्रांत आणि शीतलने अगदी गुपचूप लग्न केले. माध्यमांतील वृत्तानुसार, दोघांनी काही दिवसांपूर्वी लग्नाची तारीख ठरवली होती. लग्नानंतर दोन्ही कुटुंबे खूप आनंदात आहेत.

नुकत्याच झालेल्या एका मुलाखतीदरम्यान विक्रांतने आपल्या व्हॅलेंटाईन प्लॅनबद्दल बोलताना शीतलबद्दल अनेक गोष्टी सांगितल्या होत्या. विक्रांत मेसी आणि शीतल गेल्या अनेक वर्षांपासून एकमेकांना डेट करत होते. विक्रांत आणि शीतल यांची डिसेंबर २०१९ मध्ये एंगेजमेंट झाली. आता या दोन्ही स्टार्सच्या लग्नाची बातमीही समोर आली आहे. हा अभिनेता अनेकदा शीतल ठाकूरसोबतचे त्याचे फोटो सोशल मीडियावर शेअर करत असतो.

विक्रांत मेसीने प्रसिद्ध टेलिव्हिजन मालिका ‘बालिका वधू’मधून आपल्या अभिनय कारकिर्दीला सुरुवात केली. यानंतर तो ‘धरमवीर’, ‘बाबा ऐसा वर ढूंढो’ आणि ‘कुबूल है’ सारख्या मालिकांमध्येही दिसला. याशिवाय त्याने ‘लुटेरे’ चित्रपटातून बॉलिवूडमध्ये पदार्पण केले. यानंतर तो ‘दिल धडकने दो’, ‘छपाक’ आणि ‘गिन्नी वेड्स सनी’सह अनेक चित्रपटांमध्ये दिसला. डिजिटल प्लॅटफॉर्मबद्दल सांगायचे झाले, तर विक्रांतने ‘क्रिमिनल जस्टिस’, ‘मिर्झापूर’ आणि ‘ब्रोकन बट ब्यूटीफुल’ यांसारख्या वेबसीरिजमध्ये आपल्या उत्कृष्ट अभिनयाने प्रेक्षकांची मने जिंकली आहेत.

वर्कफ्रंटबद्दल बोलायचे झाले, तर विक्रांत मेसीच्या ‘लव्ह हॉस्टेल’ या चित्रपटाचा ट्रेलर सोमवारी (१४ फेब्रुवारी) प्रदर्शित झाला आहे. या ट्रेलरमध्ये विक्रांत एका दमदार भूमिकेत दिसला आहे. विक्रांतशिवाय बॉबी देओल आणि सान्या मल्होत्रा ​​यांच्याही मुख्य भूमिका आहेत.

हेही वाचा –

हे देखील वाचा