गेली अनेक वर्ष आपल्या अभिनयाने प्रेक्षकांना भुरळ घालणाऱ्या अभिनेत्री निवेदिता सराफ यांना महाराष्ट्र शासनाचा पुरस्कार जाहीर झाला आहे. त्यांना “मी स्वरा आणि ते दोघे” या नाटकातील भूमिकेसाठी उत्कृष्ट अभिनयाचं रौप्य पदक देण्यात आले आहे. निवेदिता सराफ यांनी नुकतेच सोशल मीडियावर एक पोस्ट शेअर केली आहे. या पोस्टमध्ये त्यांनी पुरस्कार जाहीर झाल्याबद्दल आनंद व्यक्त केला आहे.
निवेदिता सराफ (Nivedita Saraf) यांनी या पोस्टमध्ये म्हटले आहे की, “माझ्या नाटकातील भूमिकेसाठी मला महाराष्ट्र शासनाचं उत्कृष्ट अभिनयाचं रौप्य पदक मिळाले आहे. हे खरं तर टीमवर्क आहे. मी सगळ्या टीमची खूप आभारी आहे.” निवेदिता सराफ या सध्या “भाग्य दिले तू मला” या मालिकेतून प्रेक्षकांच्या भेटीला येत आहेत. त्याबरोबरच त्या “मी स्वरा आणि ते दोघे” या नाटकातही काम करत आहेत. हे नाटक सध्या महाराष्ट्रातील विविध नाट्यगृहात रंगभूमीवर झळकत आहे.
निवेदिता सराफ यांना या पुरस्काराबद्दल सर्वत्र अभिनंदन केली जात आहे. कलाकार, चाहत्यांनी त्यांना शुभेच्छा दिल्या आहेत. त्यांच्या या पोस्टवर चाहते लाईक आणि कमेंटचा वर्षाव करत आहेत. त्यांच्या या पोस्टवर कमेंट करताना एका युजरने लिहिले की, ‘तुमचे खूप खूप अभिनंदन’ तर दुसऱ्याने लिहिले की, ‘अभिनंदन मॅडम’ तर आणखी काही नेटकऱ्यांनी लिहिले की, ‘शुभेच्छा’
View this post on Instagram
निवेदिता सराफ या मराठी रंगभूमी आणि सिनेमातील एक प्रसिद्ध अभिनेत्री आहेत. त्यांनी बालकलाकार म्हणून आपल्या करिअरची सुरुवात केली आणि त्यानंतर त्यांनी मराठी आणि हिंदी चित्रपट आणि दूरदर्शन मालिकांमध्ये अनेक भूमिका केल्या आहेत. निवेदिता सराफ यांनी 1977 मध्ये प्रदर्शित झालेल्या ‘अपनापन’ या हिंदी चित्रपटात बालकलाकार म्हणून पदार्पण केले. त्यानंतर त्यांनी अनेक हिंदी चित्रपटांमध्ये बालकलाकार म्हणून काम केले. 1984 मध्ये प्रदर्शित झालेल्या ‘नवरी मायले नवऱ्याला’ या मराठी चित्रपटात त्यांनी मुख्य भूमिकेत पदार्पण केले. त्यानंतर त्यांनी अनेक मराठी चित्रपटांमध्ये मुख्य भूमिका केल्या आहेत. (Nivedita Saraf received a big medal from the Government of Maharashtra)
आधिक वाचा-
–फोटोत दिसणाऱ्या ‘या’ चिमुकलीला ओळखलं का? 12 वर्षांच्या वयातच धरलेली अभिनयाची कास; तिचीच रंगलीय चर्चा
–तर ‘या’ कारणामुळे ज्येष्ठ अभिनेत्री आशा पारेख राहिल्या अजूनही अविवाहित, स्वतःच केला खुलासा
