Sunday, May 19, 2024

झीनत अमानच्या समर्थनात आली सोमी अली; म्हणाली, ‘लिव्ह-इन रिलेशनशिप घटस्फोटाचे प्रमाण कमी करू शकते’

सलमान खानची एक्स गर्लफ्रेंड सोमी अली (Somy Ali) तिच्या काळातील लोकप्रिय अभिनेत्री होती. अभिनय सोडल्यानंतर तिने स्वत:ला लोकांच्या मदतीसाठी झोकून दिले आहे. सोमी प्रत्येक मुद्द्यावर आपले मत उघडपणे मांडण्यासाठी ओळखली जाते. अलीकडेच तिने लिव्ह-इन रिलेशनशिपबद्दल झीनत अमानच्या मतांचे समर्थन केले आहे. यानंतर ती टीकेची शिकार झाली.

सोमी अलीने लिव्ह-इन-रिलेशनशिपवर झीनत अमानच्या पोस्टचा बचाव करताना म्हटले, ‘जेव्हा मी विद्याचलमधील माउंट मेरीमध्ये राहत होते, तेव्हा झीनत जी माझ्या शेजारी होत्या. जॅकी श्रॉफ आणि आयशाही शेजारी राहत होते. आम्ही जेव्हाही शूटिंगसाठी जायचो तेव्हा भेटायचो. अलीकडे अनेकांनी त्याचा निषेध केला आहे. मी लिव्ह इन रिलेशनशिपच्या अजिबात विरोधात नाही.

अभिनेत्री म्हणाली, ‘यामध्ये मी त्यांना100 टक्के सपोर्ट करते. कारण जेव्हा तुम्ही एखाद्यासोबत लिव्ह-इन रिलेशनशिपमध्ये असता तेव्हा तुम्हाला एकमेकांबद्दल माहिती मिळते. प्रत्येकाची स्वतःची खासियत असते. एखाद्या व्यक्तीला तुम्हाला आवडणाऱ्या किंवा न आवडणाऱ्या सवयी असू शकतात. अशा परिस्थितीत, लिव्ह-इन रिलेशनशिपमध्ये तुम्हाला वैयक्तिक आवडी-निवडीबद्दल बरेच काही शिकता येते. त्यामुळे घटस्फोटाचे प्रमाण कमी होण्यास मदत होते.

वाढत्या घटस्फोटाबद्दल बोलताना ती म्हणाली की, सध्या भारत, पाकिस्तान आणि जगभरात घटस्फोटाचे प्रमाण खूप वाढले आहे. झीनत जी खूप शिकलेल्या आणि बोलक्या आहेत. जे त्यांचे म्हणणे नाकारत आहेत त्यांना मी सांगू इच्छिते की आम्ही आता 1950 मध्ये राहत नाही. 2024 मध्ये जग खूप बदलले आहे. त्यामुळे स्त्री-पुरुष लिव्ह-इन रिलेशनशिपमध्ये राहू शकतात.

सोमी म्हणाली, ‘आम्ही अशी अनेक प्रकरणे पाहिली आहेत जिथे लोक एकमेकांना नकळत लग्न करतात आणि नंतर घटस्फोट घेतात. हे भारत आणि पाकिस्तान या दोन्ही देशांतील विवाहांमध्ये सामान्य आहे. भारत आणि पाकिस्तान या दोन्ही देशांत हुंडा घेणे बेकायदेशीर आहे, तरीही लोक हुंडा मागायला कमी पडत नाहीत. सर्व काही पडद्याआड चालते. झीनतने केलेल्या सूचनेमुळे घटस्फोटाचे प्रमाण कमी होण्यास मदत होऊ शकते”

दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा

हेही वाचा-

भारती सिंगला मिळाला रुग्णालयातून डिस्चार्ज, शस्त्रक्रियेनंतर दाखवला पोटातून निघालेला स्टोन
पब्लिक प्लेसमध्ये किस करणाऱ्या सैफ आणि करीनाला केले ट्रोल; लोक म्हणाले, ‘बेडरूम कशासाठी आहे..’

हे देखील वाचा