मराठी सिनेसृष्टीत अनेक चित्रपट होत आहेत. यामध्ये काही ऐतिहासीक किंंवा इतर विषयांवर आधारित अनेक चित्रपट आहे. अशातच आता प्रेक्षकांना खळखळून हसवण्यासाठी आणखी एक चित्रपट लवकरच येणार आहे. या चित्रपटाचे नाव ‘सुस्साट’ असे आहे. ‘सुस्साट’ हा एक धम्माल हॉरर कॉमेडी चित्रपट आहे. लंडनमध्ये नुकतंच या चित्रपटाच्या शूटिंगला सुरुवात झाली आहे. या सुपरफास्ट विनोदी चित्रपटाच्या निमित्तानं पहिल्यांदाच प्रथमेश परब आणि सिद्धार्थ जाधव एकत्रितपणे विनोदाची आतिषबाजी करताना दिसणार आहेत.
सुस्साट (Sussat) हा चित्रपट अमेय विनोद खोपकर एन्टरटेन्मेंट,ए बी इंटरनॅशनल, मर्ज एक्स आर स्टुडिओ आणि डीएनए पिक्चर्स घेऊन येत आहे. ‘सुस्साट’ हा हॉरर कॉमेडी चित्रपटाची कथा अंबर विनोद हडप यानं लिहिला आहे. तर विशाल देवरुखकर यांनी चित्रपटाच्या दिग्दर्शनाची धुरा सांभाळली आहे. सिद्धार्थ जाधव, प्रथमेश परब यांच्यासोबत अभिनेत्री विदुला चौगुले पहिल्यांदाच हटके भूमिकेत प्रेक्षकांचे लक्ष वेधून घेणार आहे. विजय केंकरे आणि शुभांगी लाटकर यांच्यासारखे वरिष्ठ कलाकारही या चित्रपटात महत्त्वाच्या व्यक्तिरेखा साकारणार आहेत. या चित्रपटाच्या कथेचं वैशिष्ट्य म्हणजे यामध्ये एका जुनाट प्रथेचा पर्दाफाश धमाल पद्धतीनं केला जाणार आहे.
‘सुस्साट’ या चित्रपटाच्या निर्मितीची जबाबदारी अमित बसनीत,प्रजय कामत आणि स्वाती खोपकर यांनी उचलली आहे. तर चित्रपटाचे सह-निर्माते निनाद नंदकुमार बत्तीन,तबरेज पटेल,सनिस खाकुरेल हे आहेत. तसंच,चित्रपटाच्या छायाचित्रणाची जबाबदारी योगेश कोळी यांच्याकडे आहे. कुणाल करण या चित्रपटाचे संगीतकार आहेत. ‘सुस्साट’ चित्रपटाच्या कथेतील अनेक विचित्र योगायोग आणि त्यामुळे उडणारी धम्माल आता पडद्यावर पाहण्याची उत्सुकता सर्वांनाच आहे. (The shooting of the horror comedy movie ‘Sussat’ has started in London)
अधिक वाचा-
–‘घूमर’चा दमदार टीझर लाॅन्च; ‘या’ दिवशी चित्रपट होणार प्रदर्शित
–लग्न न करताच सलमानने बदलले कियाराचे नाव, नक्की काय आहे प्रकरण?
