भारतातील चित्रपटसृष्टीतील उत्कृष्ट कामगिरीचा गौरव करण्यासाठी 17 ऑक्टोबर रोजी विज्ञान भवन, दिल्ली येथे 69 व्या राष्ट्रीय चित्रपट पुरस्कारांचे आयोजन करण्यात आले. या सोहळ्यात देशाच्या राष्ट्रपती द्रौपदी मुर्मू यांच्या हस्ते विजेत्यांना पुरस्कार देण्यात आले. या सोहळ्यात अनेक कलाकार आणि दिग्दर्शकांना विविध पुरस्कारांनी सन्मानित करण्यात आले. सर्वोत्कृष्ट चित्रपटाचा पुरस्कार तेलुगू चित्रपट “आरआरआर”ला मिळाला.
सर्वोत्कृष्ट अभिनेता आणि अभिनेत्रीचा पुरस्कार अल्लू अर्जुन आणि आलिया भट्ट यांना मिळाला. सर्वोत्कृष्ट दिग्दर्शकाचा पुरस्कार एसएस राजामौली यांना मिळाला. या सोहळ्यात अनेक मराठी चित्रपटांनीही बाजी मारली. या सोहळ्यानिमित्त भारतीय चित्रपटसृष्टीतील अनेक मान्यवरांनी राष्ट्रपती द्रौपदी मुर्मू यांचे आभार मानले.
करण जोहर आणि विवेक अग्निहोत्रीही आपापल्या चित्रपटांसाठी पुरस्कार स्वीकारण्यासाठी येथे आले होते. राष्ट्रीय चित्रपट पुरस्कार 2023 मधून अनेक फोटो समोर आली आहेत, ज्यामध्ये या प्रतिष्ठित पुरस्काराचे सर्व विजेते एकत्र उभे आहेत. ‘द काश्मीर फाइल्स’चे दिग्दर्शक विवेक अग्निहोत्री यांनीही या कार्यक्रमाचे अनेक फोटो सोशल मीडियावर शेअर केले आहेत. मात्र, त्यांनी या फोटोंमधून करण जोहरला क्रॉप केले आहे. त्यामुळे सोशल मीडियावर एक वेगळीच चर्चा रंगली आहे.
अग्निहोत्री यांना ‘द कश्मीर फाइल्स’साठी राष्ट्रीय एकात्मतेवरील सर्वोत्कृष्ट फीचर फिल्मसाठी नर्गिस दत्त पुरस्काराने सन्मानित करण्यात आले, तर त्यांची पत्नी पल्लवी जोशी यांना सत्य घटनेने प्रेरित या चित्रपटासाठी सर्वोत्कृष्ट सहाय्यक अभिनेत्रीचा पुरस्कार मिळाला. आपला आनंद व्यक्त करताना त्यांनी त्यांच्या ट्विटर अकाउंटवर अनेक फोटो शेअर केले आहेत. अग्निहोत्रीने आपल्या ट्विटरवर चार फोटो शेअर केले आहेत. त्याने शेअर केलेल्या पहिल्याच फोटोमध्ये, ज्यामध्ये सर्व राष्ट्रीय चित्रपट पुरस्कार विजेते राष्ट्रपती द्रौपदी मुर्मूसोबत पोज देत आहेत, त्याने गायिका श्रेया घोषालच्या जवळ उभ्या असलेल्या करण जोहरला क्रॉप केले आहे. त्यांच्याशिवाय त्याने सर्वांचे फोटोही चाहत्यांसोबत शेअर केले आहेत.
Such talent. Women power. #NationalAwards pic.twitter.com/yrsSwxGpBO
— Vivek Ranjan Agnihotri (@vivekagnihotri) October 17, 2023
याशिवाय आणखी एक व्हिडिओ सोशल मीडियावर व्हायरल होत आहे, ज्यामध्ये करण जोहरला ‘शेरशाह’साठी स्पेशल ज्युरी अवॉर्ड घेण्यासाठी स्टेजवर बोलावण्यात आले होते, तेव्हा विवेक अग्निहोत्री विचित्र लूक देताना दिसले आहेत. त्यामुळे अनेक सोशल मीडिया यूजर्सनी त्यांना ट्रोल केले. अग्निहोत्री यांनी यापूर्वी करण जोहरच्या चित्रपटांवर भाष्य केले होते.
आधिक वाचा-
–‘चलेया’ गाण्याची अजिंक्य राऊतला भुरळ, व्हिडिओ पाहून नेटकऱ्यांनी केले एक्सप्रेशनचे कौतुक
–‘फुकरे 3’ची बॉक्स ऑफिसवर यशस्वी घोडदौड; जाणून घ्या 20 दिवसांचं बॉक्स ऑफिस कलेक्शन