संगीत क्षेत्रातून दु:खद बातमी समोर येत आहे. प्रसिद्ध पंजाबी गायक दिलजानचा रस्ते अपघातात निधन झाले आहे. ही घटना मंगळवारी (३० मार्च) सकाळी अमृतसर येथे घडली. या बातमीनंतर दिलजानच्या चाहत्यांना मोठा धक्का बसला आहे. सोशल मीडियावरून त्याचे चाहते त्याला श्रद्धांजली वाहत आहेत. यामध्ये पंजाबचे मुख्यमंत्री अमरिंदर सिंग यांचाही समावेश आहे.
पंजाबी म्युझिक इंडस्ट्रीमध्ये शोककळा
दिलजानच्या निधनाचे वृत्त समोर आल्यानंतर पंजाबी म्युझिक इंडस्ट्रीमध्ये शोककळा पसरली आहे. अनेक कलाकार दिलजानच्या निधनावर शोक व्यक्त करत आहेत. हाती आलेल्या माहितीनुसार, ही घटना तेव्हा घडली, जेव्हा दिलजान अमृतसरवरून करतारपूरला जात होता.
चाहत्यांसोबतच कलाकारांनीही वाहिली श्रद्धांजली
दिलजानच्या निधनानंतर सोशल मीडियावर त्याचे चाहते आणि कलाकार दिलजानला श्रद्धांजली वाहत आहेत. गायक सुकशिंदरने दिलजानचा फोटो शेअर करत लिहिले की, “हे दुर्दैवी वृत्त सकाळी सकाळी मिळाले. म्युझिक इंडस्ट्रीचे मोठे नुकसान झाले आहे. या दुनियेतून दिलजानने निरोप घेतला आहे.”
ਸਵੇਰੇ ਸਵੇਰੇ ਇਹ ਮੰਦਭਾਗੀ ਖਬਰ ਮਿਲ ਗਈ.
ਸੰਗੀਤ ਜਗਤ ਨੂੰ ਪੈ ਗਿਆ ਘਾਟਾ ..ਫਾਨੀ ਦੁਨੀਆ ਨੂੰ ਅਲਵਿਦਾ ਕਹਿ ਗਿਆ ਇਕ ਹੋਰ ਸੁਰੀਲਾ ਗਾਇਕ ਦਿਲਜਾਨ ਵੀਰ ਅਲਵਿਦਾ ਆਖ ਗਿਆ……ਵਾਹਿਗੁਰੂ ਜੀ ਸਾਰੇ ਪਰਿਵਾਰ ਨੂੰ ਭਾਣਾ ਮੰਨਣ ਦਾ ਬੱਲ ਦੇਵੇ ???????????? #Rip #Diljaan #waheguru pic.twitter.com/Vzui5Yftwa— Sukshinder Shinda (@SukshnderShinda) March 30, 2021
पंजाबच्या मुख्यमंत्र्यांनीही वाहिली श्रद्धांजली
“सकाळी सकाळी पंजाबी गायक दिलजानच्या मृत्यूच्या धक्का बसला. रस्त्यावर असेच तरुणांचे प्राण गमावणे हे अत्यंत वाईट आहे. त्याचे कुटुंबीय, मित्र आणि चाहत्यांविषयी माझी सहानुभूती. आरआयपी!”
Shocked at the tragic death of young and promising Punjabi singer Diljaan in a road accident earlier today. It is extremely sad to lose young lives like these on road. My condolences to the family, friends and fans. RIP! pic.twitter.com/ZLxQidrO5P
— Capt.Amarinder Singh (@capt_amarinder) March 30, 2021
दिलजानची प्रसिद्ध गाणी
दिलजान पंजाबी म्युझिक इंडस्ट्रीतील एक मोठे नाव होते. त्याचा चाहतावर्गही फार मोठा होता. दिलजानच्या हिट गाण्यांमध्ये ‘आधा पिंड’, ‘यारां दी गल’, ‘शू करके’, ‘हर पल’, ‘फर्स्ट लव्ह’, ‘मेरा दिल’, ‘धरती’, ‘तेरे शहर’ यांसारख्या अनेक गाण्यांचा समावेश आहे.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-बॉलिवूडच्या ‘खिलाडी’ने केले ‘असे’ ट्वीट की झाला भलताच ट्रोल, नेटकरी म्हणालेे ‘ईदलाही हेच म्हणणार?’
-अभिनेत्री मलायकाकडून चाहत्यांना होळीच्या कलरफूल शुभेच्छा! फोटो होतोय जोरदार व्हायरल
