साऊथ इंडस्ट्री मागील काही वर्षांपूर्वी संघर्ष करताना दिसत होती. मात्र, सध्या साऊथ इंडस्ट्रीला चांगले दिवस आल्याचे दिसत आहे. इंडस्ट्रीला पुन्हा एकदा रुळावर आणण्यात मोलाचे योगदान देणाऱ्या अभिनेत्यांमध्ये यश याचाही समावेश होतो. त्याच्या ‘केजीएफ‘ आणि ‘केजीएफ 2‘ या सिनेमांनी बॉक्स ऑफिसवर बक्कळ कमाई केली आहे. या दोन सिनेमांद्वारे तो भारतातील दिग्गज कलाकारांच्या यादीत सामील झाला आहे. मात्र, हे स्थान मिळवण्यासाठी त्याला खूपच खस्ता खावा लागला आहे. त्याच्याविषयी कदाचित अनेक चाहत्यांना काही गोष्टी माहिती नाहीयेत. यश 8 जानेवारी रोजी त्याचा 37 वा वाढदिवस साजरा करत आहे. चला तर यानिमित्ताने आपण या लेखातून यशविषयी जाणून घेऊया…
यश याच्याबद्दल खास गोष्टी (Yash Lesser Known Facts)
साऊथ सुपरस्टार यश (Yash) याने सन 2000मध्ये कारकीर्दीची सुरुवात केली होती. त्यानंतर त्याने अनेक वर्षे संघर्ष केला. तसेच, राष्ट्रीय स्तरावर ओळख मिळवण्यासाठी त्याला 22 वर्षांचा दीर्घ प्रवास करावा लागला.
यशचे खरे नाव काय आहे?
‘केजीएफ’ स्टार यश याचे खरे नाव नवीन कुमार गौडा (Naveen Kumar Gowda) आहे. मात्र, त्याने त्याच्या अभिनय कारकीर्दीसाठी खऱ्या नावाऐवजी यश या नावाची निवड केली. तेव्हापासून कर्नाटक आणि संपूर्ण देशात तो याच नावाने प्रसिद्ध आहे.
View this post on Instagram
कशापासून केली कारकीर्दीची सुरुवात?
अभिनेता यश याने त्याच्या कारकीर्दीची सुरुवात थिएटर आणि टीव्ही मालिकांमधून केली होती. त्याने 2003मध्ये टेलिव्हिजन शोमध्ये काम करण्यास सुरुवात केली होती.
यशचे सिनेमात पदार्पण
नवीन कुमार गौडा म्हणजेच यश हा थिएटर आणि टीव्ही मालिकांनंतर आपल्या कारकीर्दीचा विस्तार करण्यासाठी सिनेमाकडे वळला. त्याने 2007मध्ये रिलीज झालेल्या ‘हुडुगी’ या सिनेमात पदार्पण केले होते. यामध्ये त्याने सहाय्यक अभिनेत्याची भूमिका साकारली होती.
View this post on Instagram
यशला ‘मोगिना मनासू’ने दिली ओळख
सन 2008मध्ये रिलीज झालेल्या ‘मोगिना मनासू’ या सिनेमाने त्याला ‘फिल्मफेअर’ पुरस्कार जिंकून देण्यात मदत केली. या सिनेमातही त्याने सहाय्यक अभिनेत्याचीच भूमिका साकारली होती. मात्र, या भूमिकेमुळे त्याची जास्त चर्चा झाली आणि त्याला प्रसिद्धीही मिळाली.
View this post on Instagram
यशने पत्नी राधिका पंडितसोबत केलंय सिनेमात काम
यश हा त्याची पत्नी राधिका पंडित (Radhika Pandit) हिच्यासोबत नेहमी स्पॉट होतो. तो तिच्यासोबत टीव्ही शोमध्येही झळकला आहे. दोघांनीही ‘मोगिना मनासू’, ‘मिस्टर अँड मिसेस रामाचारी’ सिनेमात एकत्र काम केले होते. त्यानंतर त्यांनी एकमेकांना डेट करण्यास सुरुवात केली. अनेक वर्षे डेट केल्यानंतर दोघांनीही डिसेंबर 2016मध्ये लग्न करण्याचा निर्णय घेतला. त्यांंना दोन मुलेही आहेत.
आता यश ‘केजीएफ 3’ सिनेमात झळकणार आहे. मात्र, या सिनेमाबाबत अद्याप कोणतीही माहिती समोर आली नाहीये. (superstar yash real name is naveen kumar gowda read 5 lesser known facts related to his life)
दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
महत्त्वाच्या बातम्या-
कमाईत भल्याभल्यांना मागे टाकणाऱ्या ‘युट्यूबचा बादशाह’ भुवन बामची नेट वर्थ आहे तरी किती? जाणून घ्याच
हीच ती नैसर्गिक सुंदरता! रश्मिकाने विमानतळावर बिनधास्तपणे काढला मास्क; पाहायला मिळाला नो मेकअप लूक
