आयुष्मान खुराना (Ayushman Khurana) यावर्षी तीन चित्रपटांमध्ये दिसणार आहे. सध्या आयुष्मान ‘पती पत्नी और वो दो’, ‘उडता तीर’ आणि ‘ये प्रेम मोलिया’ या चित्रपटांमुळे चर्चेत आहे. आयुष्मानने त्याच्या आगामी चित्रपटांमधील भूमिकांवर चर्चा केली आणि प्रत्येक चित्रपटात नवनवीन प्रयोग करण्याचा त्याचा प्रयत्न का असतो, हे स्पष्ट केले.
आयुष्मान खुराना २०२६ मध्ये तीन चित्रपटांमध्ये दिसणार आहे, जे सर्व एकमेकांपेक्षा पूर्णपणे वेगळे आहेत. पहिला चित्रपट कॉमेडी आणि नातेसंबंधांवर लक्ष केंद्रित करतो, तर दुसरा चित्रपट वेगळा आणि बंडखोर आहे. तिसरा चित्रपट कुटुंब आणि परंपरेवर आधारित आहे.
पहिला चित्रपट ‘पती पत्नी और वो दो’ आहे, जो १५ मे रोजी प्रदर्शित होईल.
दुसरा चित्रपट ‘उडता तीर’ आहे, जो ११ सप्टेंबर रोजी प्रदर्शित होईल.
तिसरा चित्रपट ‘ये प्रेम मोल लिया’ आहे, जो २७ नोव्हेंबर रोजी प्रदर्शित होईल.
आयुष्मान म्हणाला, “मी मुद्दामहून वेगवेगळ्या भूमिका साकारण्याचा कधीच प्रयत्न करत नाही. एक प्रेक्षक म्हणून ज्या कथा माझ्या मनाला भिडतात, त्या माझ्यासाठी महत्त्वाच्या आहेत. एका वर्षात तीन वेगवेगळे चित्रपट करणे रोमांचक आहे, पण ती एक जबाबदारीसुद्धा आहे. त्यामुळे मला प्रत्येक वेळी काहीतरी नवीन करण्याची प्रेरणा मिळते.”
आयुष्मान म्हणाला, “आजच्या प्रेक्षकांना काहीतरी नवीन हवे आहे. त्यांना तेच तेच पुन्हा पुन्हा पाहायचे नाही. मला असे चित्रपट बनवायचे आहेत जे मनोरंजन करतील आणि ज्यात एक संदेशही असेल. लोकांनी त्याला वेगळे म्हटले, तर मी आभारी असेन. पण माझ्यासाठी, जिज्ञासू राहणे आणि प्रामाणिक राहणे महत्त्वाचे आहे.”
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
