बॉलिवूड अभिनेता शाहरुख खानचा मुलगा आर्यन खान, मॉडेल मुनमुन धमेचा आणि अरबाज मर्चंट यांना अं’मली पदार्थ प्रकरणी मुंबई उच्च न्यायालयाने जामीन मंजूर केला आहे. आर्यन सध्या मुंबईतील आर्थर रोड जेलमध्ये आहे. आर्यन खान, अरबाज मर्चंट आणि मुनमुन धमेचा यांना एनसीबीच्या पथकाने २ ऑक्टोबरला क्रूझमधून ताब्यात घेतले होते. पण तुरुंगात असलेल्या आर्यन खानला जामीन मिळाल्याची माहिती मिळाल्यावर त्याची काय प्रतिक्रिया होती? चला जाणून घेऊया…
आनंद गगनात मावेना…
तुरुंग प्रशासनाने दिलेल्या माहितीनुसार, तुरुंगात असलेल्या आर्यन खानला संध्याकाळी ६ वाजता जेवण करताना जामीन मिळाल्याची माहिती मिळाली. जामीनाची बातमी समजताच आर्यन खान खुश होऊन हसू लागला आणि तुरुंगातील कर्मचाऱ्यांना ‘धन्यवाद’ म्हणाला. मात्र त्यानंतर आर्यन खानने रात्रीचे जेवण केले नसल्याची माहिती समोर आली आहे. (aryan khan gets bail know aryan khan first reaction after getting bail)
कैद्यांना देणार आर्थिक मदत
एकूण २१ दिवस तुरुंगात राहिल्यानंतर, आर्यन खानची बरॅकतील कैद्यांशी चांगलीच ओळख झाल्याची माहिती मिळत आहे. आर्यन खानने या कैद्यांच्या कुटुंबीयांना आर्थिक मदत करण्याचे आश्वासन दिले आहे. यासोबतच कैद्यांवर सुरू असलेल्या खटल्यांमध्येही मदत करणार असल्याचे सांगितले आहे.
२ ऑक्टोबरला करण्यात आली होती अटक
एनसीबीचे झोनल डायरेक्टर समीर वानखेडे यांच्या नेतृत्वाखालील पथकाने २ ऑक्टोबर रोजी मुंबईतील एका क्रूझवर छापा टाकून, अंमली पदार्थ जप्त केले होते. याच आरोपाखाली आर्यन खान, अरबाज मर्चंट आणि मुनमुन धमेचा यांना ताब्यात घेण्यात आले आणि नंतर सर्वांना अटक करण्यात आली. याप्रकरणी एनसीबीने आतापर्यंत २० जणांना अटक केली आहे.
दैनिक बोंबाबोंबचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-मुंबई उच्च न्यायालयाकडून आर्यनला जामीन मंजूर, ‘मन्नत’वर साजरी होणार दिवाळी
-आर्यन खानला अटक झाल्यापासून ते जामीन मिळेपर्यंत काय काय घडलं? एका क्लिकवर घ्या जाणून
-आर्यनला जामीन न मिळाल्यामुळे ऋतिकने पुन्हा दर्शवला होता पाठिंबा; म्हणाला, ‘हे सर्व अत्यंत…’
