अभिनय जगतात छाप सोडणारे लोकप्रिय नाव म्हणजे अभिनेते इरफान खान होय. ते आता आपल्यात नाही यावर अजूनही विश्वास बसत नाही. त्यांची वेगळी स्टाईल, बोलण्याची वेगळी स्टाईल हे सगळे आपल्या मनात कायम जिवंत राहील. इरफान हे इंडस्ट्रीतील प्रतिभावान आणि सर्वोत्कृष्ट अभिनेत्यांपैकी एक होते. अनेक चित्रपटांमध्ये दमदार अभिनय देऊन त्यांनी प्रेक्षकांमध्ये वेगळी ओळख निर्माण केली. इरफान आज आपल्यात असते तर ते शुक्रवारी (७ जानेवारी) ५५ वर्षांचे झाले असते. अभिनेत्याने हॉलिवूडचे ४ चित्रपट नाकारले होते. चला तर मग या ४ चित्रपटांबद्दल जाणून घेऊया.
बॉडी ऑफ लाइज (Body Of Lies)
लिओनार्डो डिकॅप्रियो आणि रसेल क्रो अभिनित ऍक्शन-थ्रिलर ‘बॉडी ऑफ लाइज’ मध्ये मुख्य भूमिकेसाठी दिग्दर्शक रिडले स्कॉटने देखील इरफान (Irrfan Khan) यांच्याशी संपर्क साधला होता. जरी त्यावेळी ते ‘पिकू’ चित्रपटाच्या शूटिंगमध्ये व्यस्त होते आणि त्यांच्याकडे तारखा नव्हत्या. त्यामुळेच त्यांनी चित्रपटाची ऑफर नाकारली.
इंटरस्टेलर (Interstellar)
इरफान यांनी हॉलिवूडमधील सर्वात मोठ्या नावांपैकी एक असलेले क्रिस्तोफर नोलनशी काम करणे नाकारले. २०१३ मध्ये इरफान यांनी उघड केले की, त्यांनी नोलनच्या ‘इंटरस्टेलर’ला नाही म्हणण्याचा कठीण निर्णय घेतला होता. कारण ते आधीच ‘द लंचबॉक्स’ आणि ‘डी-डे’ साठी वचनबद्ध झाले होते.
द मार्टियन (The Martian)
इरफान यांना रिडले स्कॉट दिग्दर्शित आणि मॅट डॅमन अभिनित ‘द मार्टियन’ या विज्ञान-कथा चित्रपटात मुख्य भूमिकेची ऑफर देण्यात आली होती. मात्र, हा चित्रपट करण्याऐवजी त्यांनी ‘पिकू’ हा बॉलिवूड चित्रपट निवडला.
स्टीवन स्पीलबर्ग मूवी (Steven Spielberg Movie)
इरफान यांनी आणखी एक दिग्गज दिग्दर्शक स्टीव्हन स्पीलबर्गसोबत काम करण्याची संधी नाकारली. माध्यमांतील वृत्तानुसार, हा चित्रपट ‘रोबोकॅलिप्स’ होता आणि त्यात स्कारलेट जोहानसन देखील होती.
इरफान खान यांचे २९ एप्रिल २०२० रोजी निधन झाले. त्यांना न्यूरोएन्डोक्राइन ट्यूमरचे निदान झाले होते आणि त्यांनी परदेशातही उपचार घेतले होते. मात्र या आजारासमोर जीवनाची लढाई हरून त्यांनी जगाचा निरोप घेतला.
हेही वाचा :
- जान्हवी कपूरचे बालपणीचे फोटो व्हायरल, दिसतीये एकदम स्वीट अँड सिंपल
- सनी लिओनीच्या गाण्यावर ‘बबिता जी’चे जोरदार ठुमके, पाहून ‘जेठालाल’ तर सोडाच, तुमचेही थिरकतील पाय
- भारतापासून ब्रिटन ते अमेरिकेपर्यंत होता ‘या’ अभिनेत्याचा डंका, बॉलिवूडचा एकही ऍक्टर मोडू शकला नाही त्यांचा विक्रम
