मराठी सिनेसृष्टीला मिळालेला सुंदर, सोज्वळ चेहरा म्हणून पूजा सावंतच्या (Pooja Sawant) नावाचा उल्लेख केला जातो. आपल्या सहजसुंदर अभिनयाने आणि सोज्वळ सौंदर्याने तिने सिने जगतात स्वतःची एक वेगळी ओळख निर्माण केली आहे. अनेक गाजलेल्या चित्रपटांमध्ये काम केलेल्या पूजा सावंतने अल्पावधीतच आपल्या अभिनयाची छाप पाडली आहे त्यामुळेच तिचे नेहमीच कौतुक होताना दिसत असते. नुकतेच पूजा सावंतने नवीन घरही खरेदी केले आहे ज्याचा व्हिडिओ तिच्या खास मित्राने सोशल मीडियावर शेअर केला आहे.
मराठी चित्रपटसृष्टीतील सर्वात लोकप्रिय अभिनेत्री म्हणू पूजा सावंतचे नाव घेतले जाते. पूजा सावंतला वडिलांकडूनच अभिनयाचे बाळकडू मिळाले होते. तिच्या वडिलांनी अनेक नाटकांमध्ये काम केले आहे, त्यामुळेच वडिलांच्याच पावलावर पाऊल ठेवत पूजानेही अभिनयाकडे आपला मोर्चा वळवला. क्षणभर विश्रांती हा पूजा सावंतचा पहिला चित्रपट चांगलाच गाजला. ज्यानंतर तिला कधीच मागे वळून पाहावे लागले नाही. सध्या पूजा सावंतही आघाडीची अभिनेत्री म्हणून ओळखली जाते. तसेच ती सोशल मीडियावरही चांगलीच सक्रिय असते. अलिकडेच पूजाने नवीन घर खरेदी केल्याची बातमी समोर आली आहे ज्याचा व्हिडिओ सध्या सोशल मीडियावर चांगलाच व्हायरल होत आहे.
पूजा सावंतचा खास मित्र भूषण प्रधानने हा व्हिडिओ सोशल मीडियावरुन शेअर केला आहे. ज्यामध्ये पूजा सावंतच्या घरामध्ये ती मित्रांसोबत धमाल करताना दिसत आहे. हा व्हिडिओ शेअर करत भूषणने पूजाला नवीन घराच्या शुभेच्छा दिल्या आहेत. ज्यामध्ये त्याने “पू तुझ्या नव्या घरासाठी तुला खूप खूप शुभेच्छा. तुला तुझ्या या नव्या घरात नेहमीच आनंद मिळो. घर नेहमी आनंद हास्य आणि प्रेमानं भरुन जावो. पुन्हा एकदा खूप खूप अभिनंदन सावंत,”असा कॅप्शन दिला आहे. व्हिडिओमध्ये पूजा सावंत ,भूषण प्रधान, क्षेय सावंत, गश्मिर महाजनी असे अनेक कलाकार धमाल करताना दिसत आहेत. पूजाच्या चाहत्यांनीही या व्हिडिओवर जोरदार प्रतिक्रिया देताना अभिनेत्रीला शुभेच्छा दिल्या आहेत.
दैनिक बोंबाबोंबचा व्हाट्सअप ग्रुप जॉईन करण्यासाठी येथे क्लिक करा
- हेही वाचा- TMKOC | शोमध्ये राखी विजन बनणार ‘दयाबेन’? पोस्ट शेअर करत सांगितले व्हायरल बातमीचे सत्य
- ‘शिकार कराल तर शिकार व्हाल…’ अभिनेते सयाजी शिंदेंनी कुणाला दिला खरमरीत इशारा?
- ‘मला कधीच मुलं नको होती एकदा गर्भपातही झाला…’ समंथा रूथ प्रभूने सांगितली कधीही न ऐकलेली गोष्ट
