धर्मेंद्र यांनी चालत्या गाडीत मुलगा सनी देओलसाठी केला परफॉर्मन्स, चाहत्यांकडून प्रेमाचा वर्षाव


अभिनेते धर्मेंद्र हे बॉलिवूडमधील असे एक ज्येष्ठ अभिनेते आहेत, जे सोशल मीडियावर खूप सक्रिय असतात. धरम पाजी सोशल मीडियावर जुन्या दिवसांचे फोटो किंवा व्हिडिओ क्लिप शेअर करत आठवणींना उजाळा देत असतात. त्यांच्या प्रत्येक पोस्टला चाहतेही भरभरून प्रेम करताना दिसतात. धर्मेंद्र त्यांच्या चित्रपटातील एका जुन्या गाण्यावर परफॉर्म करून पुन्हा एकदा चर्चेत आले आहेत. त्यांनी त्यांचा नवीन व्हिडिओ सोशल मीडियावर शेअर करताच तो व्हायरल होत आहे.

हिंदी चित्रपटसृष्टीतील ‘ही मॅन’ म्हणून ओळखले जाणारे धर्मेंद्र त्यांचा मुलगा सनी देओलसोबत कारमधून कुठेतरी जात होते. यादरम्यान सनीने त्यांना अशी विनंती केली, जी वडील धर्मेंद्र नाकारू शकले नाहीत. या व्हिडिओमध्ये धर्मेंद्र यांचे १९६८ साली प्रदर्शित झालेल्या ‘मेरे हमदम मेरे दोस्त’ चित्रपटातील ‘फूल जैसे तन पे जलवे ये रंग ओ बू के, आज जम ए मे उते इन लिप्स चू के, लचकाये शाखा – एक बदन, मेहकाये’ हे आयकॉनिक गाणे आहे. ते ‘जुल्फों की शाम, चलके जाम’ गाण्यावर परफॉर्म करताना दिसत आहेत.

कारमध्ये परफॉर्म करत असतानाचा व्हिडिओ धर्मेंद्र यांनी त्यांच्या अधिकृत इंस्टाग्राम अकाऊंटवर शेअर केला आणि कॅप्शनमध्ये लिहिले की, “हे गाणे सनीच्या कारमध्ये वाजत होते. सनी अचानक म्हणाला, ‘पप्पा, कृपया माझ्यासाठी हे सुंदर गाणे सादर करा.’ मग मी नाही म्हणू शकत नाही. मित्रांनो आशा आहे तुम्हाला ते आवडले असेल.”

धर्मेंद्र यांच्या या व्हिडिओचे चाहते जोरदार कौतुक करत आहेत, मुलगा बॉबी देओलनेही लव्ह इमोजींचा पाऊस पाडला. एका चाहत्याने तर लिहिले की, “तुमच्याशिवाय या इंडस्ट्रीला कोणी ओळखले असते… या जगात दुनियेला कुठे ओळखले असतं… लव्ह यू पाजी.” त्यांच्या या व्हिडिओला ६३ हजारांहून अधिक लाईक्स मिळाले आहेत.

धर्मेंद्र यांच्या या व्हिडिओसाठी चाहते सनी देओलचे आभारही मानत आहेत. ‘मेरे हमदम मेरे दोस्त’ या चित्रपटात धर्मेंद्र यांच्यासोबत ज्येष्ठ अभिनेत्री शर्मिला टागोर होत्या. सन १९६८ मध्ये आलेल्या या चित्रपटातील धर्मेंद्र आणि शर्मिला यांची जोडी प्रेक्षकांना खूप आवडली होती. या चित्रपटात सुप्रसिद्ध अभिनेत्री मुमताजही होत्या. या चित्रपटातील ‘छलकाए जाम’ हे गाणे त्या काळातील सर्वात रोमँटिक गाण्यांपैकी एक आहे.

दैनिक बोंबाबोंबचे टेलिग्राम चॅनेल जॉइन करण्यासाठी येथे क्लिक करा…

हेही नक्की वाचा-

-‘राम सेतू’ चित्रपटाच्या शूटिंगदरम्यान अक्षय कुमारला आली आईची आठवण, व्हिडिओ पाहून तुमचेही पाणावतील डोळे

-मेहुणा आयुष शर्माला सलमान खानसोबत ‘अंतिम: द फायनल ट्रुथ’मध्ये करायचे नव्हते काम, केला खुलासा

-श्रद्धा आर्याला उचलून घेऊन मंडपात पोहोचला पती राहुल, वधू-वरावर खिळल्या सर्वांच्याच नजरा


Latest Post

error: Content is protected !!