Thursday, March 28, 2024

चाहत्यांची प्रतीक्षा संपली! आयुष्मान खुरानाच्या ‘डॉक्टर जी’चा जबरदस्त ट्रेलर रिलीज

बॉलिवूडमधील प्रसिद्ध अभिनेता आयुष्मान खुराना(Ayushmann Khurrana) हा त्याच्या अभिनयाने नेहमीच प्रेक्षकांची मने जिंकतो. आयुष्मान खुरानाचा बहुप्रतिक्षित ‘डॉक्टर जी’ चित्रपटाचा ट्रेलर नुकताच प्रदर्शित झाला. चाहते या चित्रपटाची आतुरतेने वाट पाहत आहेत. या चित्रपटामध्ये आयुष्मानसोबतच अभिनेत्री रकुल प्रीत सिंह(Rakul Preet Singh) देखील मुख्य भूमिका साकारणार आहे. आयुष्मान या चित्रपटामध्ये स्त्रीरोग तज्ज्ञ डॉ. उदय गुप्ता ही भूमिका साकारत आहे.

स्त्रीरोग तज्ज्ञच्या आयुष्यात येणाऱ्या अडचणी ‘डॉक्टर जी’ या चित्रपटात दाखवण्यात येणार आहेत. ट्रेलरच्या सुरुवातीला दिसते की, डॉ. उदय गुप्ता म्हणजेच आयुष्मान हा एका महिलेवर उपचार करत असतो. त्यानंतर त्या महिलेचा पती येऊन आयुष्यमानला मारतो. ट्रेलरमधील डयलॉग्स आणि कलाकारांच्या अभिनयानं अनेकांची मनं जिंकली आहेत. 14 ऑक्टोबर रोजी ‘डॉक्टर जी’ हा चित्रपट प्रेक्षकांच्या भेटीस येणार आहे. ट्रेलर रिलीज झाल्यानंतर आता प्रेक्षक हा चित्रपट रिलीज होण्याची उत्सुकतेने वाट बघत आहेत.

विनीत जैन यांनी या चित्रपटाची निर्मिती केली आहे. या चित्रपटात आयुष्मान आणि रकुल प्रीत सिंह यांची केमिस्ट्री पाहण्यासाठी प्रेक्षक उत्सुक आहेत. अनुभूती कश्यप यांनी या चित्रपटाचं दिग्दर्शन केलं आहे. अभिनेत्री शेफाली शहा देखील या चित्रपटात महत्त्वाची भूमिका साकारणार आहे.

आयुष्मानच्या अभिनयाला प्रेक्षकांची पसंती
‘विकी डोनर’, ‘नौटंकी साला’ ‘हवाईजादा’, ‘दम लगा के हैशा’, ‘बरेली की बर्फी’, ‘दम लगा के हैशा’, ‘अंधाधुंद’, ‘अनेक’ या चित्रपटातील आयुष्मानच्या अभिनयाला प्रेक्षकांची पसंती मिळाली. स्टार प्लसचा शो ‘जस्ट डान्स’मध्ये त्याने सूत्रसंचालन केले. 2004 मध्ये आयुष्मान खुराना एमटीव्हीच्या ‘रोडीज’ शोमध्ये झळकला होता. या शोचे विजेतेपदही त्याने पटकावले होते.

दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा-
वरुण धवनने संजय दत्त स्टाईलमध्ये केला व्हिडिओ शेअर, टपोरी लूकने वेधले चाहत्यांचे लक्ष

मुस्लीम आई, विवाहबाह्य संबंध आणि स्वतःच्याच मुलीसोबत… ‘या’ प्रकरणांनी वादात सापडले होते महेश भट्ट
विमानात इकॉनॉमिक क्लासमध्ये कार्तिक आर्यनने केला प्रवास, छोट्याशा कृतीने जिंकली चाहत्यांची मने

हे देखील वाचा