Saturday, June 15, 2024

नवीन संसद भवनाचा व्हिडिओ शेअर करत शाहरुखने दिली प्रतिक्रिया; म्हणाला, ‘आमच्या आशांचे नवे घर…’

पंतप्रधान नरेंद्र मोदी 28 मे रोजी नवीन संसद भवनाचे उद्घाटन करून ते देशाला समर्पित करणार आहेत. आजचा दिवस भारताच्या इतिहासात नोंदवला जाणार आहे. देशाला नवे संसद भवन मिळणार आहे, जे अनेक अर्थाने खास असेल. अलीकडेच पंतप्रधान मोदींनी नवीन संसद भवनाची व्हिडिओ क्लिप शेअर केली आहे, ज्यावर त्यांनी व्हॉईस ओव्हर करून देशवासियांना शेअर करण्याचे आवाहन केले. अशात आता हा व्हिडिओ शाहरुख खानने आपल्या सर्वोत्तम व्हॉईस ओव्हरसह शेअर केला आहे. काय म्हणाला अभिनेता? चला, जाणून घेऊया…

हा व्हिडिओ शेअर करत किंग खानने लिहिले की, “जे लोक आमच्या संविधानाचे समर्थन करतात, या महान देशाच्या प्रत्येक नागरिकाचे प्रतिनिधित्व करतात आणि त्यातील विविधतेचे संरक्षण करतात त्यांच्यासाठी नवीन संसद भवन किती छान आहे. भारतासाठी नवीन संसद भवन… भारताच्या अभिमानाचे जुने स्वप्न… जय हिंद!”

या व्हिडिओसाठी केलेल्या व्हॉईसओव्हरमध्ये किंग खान म्हणतो, ‘हे नवीन घर इतके मोठे आहे की, ते प्रत्येक राज्य, प्रत्येक प्रदेश, गाव-शहर आणि देशाच्या कानाकोपऱ्यात जागा बनवू शकते. या घराचे बाहू इतके व्यापक होवोत की, देशातील प्रत्येक जाती-वर्णातील प्रत्येक धर्मावर प्रेम करता येईल. त्याची दृष्टी देशातील प्रत्येक नागरिकाची समस्या साेडवू शकेल इतकी खोल असावी. जिथे सत्यमेव जयतेचा नारा ही केवळ घोषणा नसून एक विश्वास आहे. जिथे अशोक चक्राचा हत्ती-घोडा, सिंह आणि स्तंभ हे केवळ लोगो नसून आपला इतिहास आहेत.

https://twitter.com/iamsrk/status/1662506616317693952?ref_src=twsrc%5Etfw%7Ctwcamp%5Etweetembed%7Ctwterm%5E1662506616317693952%7Ctwgr%5E301d3e8091d5fbfe6a55da252b7a61c3e94e0742%7Ctwcon%5Es1_c10&ref_url=https%3A%2F%2Fwww.abplive.com%2Fentertainment%2Fbollywood%2Fshah-rukh-khan-shared-a-video-in-a-strong-voice-before-the-inauguration-of-the-new-parliament-house-pm-modi-replayed-2418206

किंग खानचा हा व्हिडिओ रिट्विट करत पीएम मोदींनी लिहिले, ‘सुंदर अभिव्यक्ती! नवीन संसद भवन हे लोकशाही शक्ती आणि प्रगतीचे प्रतीक आहे. त्यात परंपरेला आधुनिकतेची जोड दिली आहे.(bollywood actor shah rukh khan shared a video in a strong voice before the inauguration of the new parliamen house pm modi replayed )

हे देखील वाचा