दरदिवशी कोणत्या ना कोणत्या कारणामुळे सर्वात चर्चेत असलेल्या बॉलिवूड अभिनेत्रींमध्ये अनुष्का शर्माचं नाव घ्यावं लागेल. तिची फॅन फॉलोविंग इतकी जबरदस्त आहे की, तिचा व्हिडिओ किंवा फोटो शेअर करताच व्हायरल होऊ लागतो. असाच तिचा एक व्हिडिओ सध्या सोशल मीडियावर जोरदार व्हायरल होत आहे. खरं तर अनुष्काने ‘रब ने बना दी जोडी’ या चित्रपटातून बॉलिवूड पदार्पण केले होते. मात्र, त्यापूर्वी तिने बऱ्याच जाहिरातींमध्ये काम केले होते. अभिनयाचे धडे घेण्यासाठी ती अभिनयाच्या शाळेतही गेली होती. अशातच तिचा पदार्पणापूर्वीचा एक व्हिडिओ समोर आला आहे, जो चाहत्यांच्याही पसंतीस पडत आहे. (Bollywood Actress Anushka Sharma Apply Glycerine And Perform An Intense Scene In Her Acting Class Video Viral)
अनुष्का शर्माचा व्हिडिओ व्हायरल
अनुष्का शर्माच्या व्हायरल होणाऱ्या व्हिडिओमध्ये ती अभिनयाच्या क्लासमध्ये सादरीकरण करत आहे. तिच्यासोबत तिचे अभिनय शिकवणारे शिक्षक आणि एक सहकारीदेखील आहे. शिक्षक तिला सीन समजावून सांगत आहेत. तेवढ्यात ते म्हणतात की, “तुम्ही लोक स्क्रिप्ट लक्षात न ठेवताच येता.” यादरम्यान अनुष्काला एक इमोशनल सीन करायचा असतो. यासाठी ती डोळ्यात पाणी यावे म्हणून ग्लिसरीनचा वापर करून रडण्याचा सीन करते. अनुष्काला अभिनयाचे धडे देणारे शिक्षक इतर कोणी नसून ‘ओम नम: शिवाय’चे समर जय सिंग आहेत.
अनुष्काच्या व्हायरल होणाऱ्या या व्हिडिओवर युजर्सनी कमेंट्सचा पाऊस पाडला आहे. एका युजरने म्हटले आहे की, “सर्जरीपूर्वीही तुम्ही खूप सुंदर दिसायच्या.” दुसऱ्या एका युजरने तिला “क्यूट” म्हटले आहे. दुसरीकडे काहींनी प्रश्न उपस्थित केला की, अनुष्का अभिनय शिकून बॉलिवूडमध्ये आली होती, तर ती खोटे का बोलली की, मी कधीच अभिनयाबाबत विचार केला नव्हता?
मागील काही दिवसांपासून अनुष्काचा एक फोटो जोरदार व्हायरल झाला होता. त्यात दक्षिण आफ्रिकेचा धडाकेबाज खेळाडू एबी डिविलियर्सची पत्नी डॅनियल डिविलियर्स, अनुष्का आणि वामिकाही दिसत होते. हा फोटो पाहून असे वाटते की, हा सन २०२१ मध्ये आयपीएल सामन्यादरम्यानचा फोटो आहे, जेव्हा विराट कोहली आणि डिविलियर्सने रॉयल चॅलेंजर्स बेंगलोर संघाने सामना खेळला होता.
अनुष्काच्या कामाबद्दल बोलायचं झालं, तर तिने सन २००८ मध्ये शाहरुख खानसोबत आपल्या कारकिर्दीची सुरुवात केली होती. ती शेवटची सन २०१८ मध्ये आलेल्या ‘झिरो’ या चित्रपटात शाहरुख आणि कॅटरिना कैफसोबत झळकली होती. या चित्रपटाचे दिग्दर्शन आनंद एल राय यांनी केले होते. सध्या ती आपल्या प्रॉडक्शन हाऊसमध्ये व्यस्त आहे. तिच्या प्रॉडक्शनचा ‘बुलबुल’ चित्रपट आणि ‘पाताल लोक’ वेबसीरिज ओटीटी प्लॅटफॉर्मवर प्रदर्शित झाले होते.
तिच्या वैयक्तिक आयुष्याबाबत बोलायचं झालं, तर विराट आणि अनुष्का यावर्षी ११ जानेवारीला आई- वडील बनले होते. ही आनंदाची बातमी त्यांनी सोशल मीडियावर शेअर केली होती.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
‘कमिंग सून’ म्हणत श्रुती मराठेने शेअर केला ग्लॅमरस व्हिडिओ; चाहत्यांना प्रतीक्षा नव्या फोटोशूटची
-जागतिक संगीत दिनाच्या निमित्ताने गायिका सावनी रविंद्र प्रेक्षकांसाठी घेऊन आली खास मल्याळम गाणं
