अभिनेता-गायक दिलजीत दोसांझ (Diljeet Dosanjh) अलीकडेच जिमी फॅलनच्या शोमध्ये दिसल्यानंतर चर्चेत आला. कॅनडामधील त्याच्या अलीकडील कॉन्सर्टचा एक व्हिडिओ आता सोशल मीडियावर व्हायरल होत असून, त्यामुळे चाहत्यांमध्ये चिंता निर्माण झाली आहे. या व्हिडिओमध्ये दिलजीतने जीवन आणि मृत्यू यावर आपली मते व्यक्त केली आहेत, ज्यावर त्याच्या चाहत्यांकडून प्रतिक्रिया येत आहेत.
दिलजीत दोसांझचा व्हायरल झालेला व्हिडिओ ३० एप्रिल रोजी कॅलगरी येथील स्कोटियाबँक सॅडलडोममधील त्याच्या शोमधील आहे. हा शो त्याच्या ‘ऑरा वर्ल्ड टूर’चा एक भाग होता. सादरीकरणादरम्यान, दिलजीतने प्रेक्षकांशी संवाद साधण्यासाठी थोडा वेळ थांबला. कॉन्सर्टमध्ये दिलजीत प्रेक्षकांना म्हणाला, “मी हे जग आधीच सोडून गेलो आहे. मला मृत्यूची भीती नाही. गेल्या डिसेंबरमध्ये, मी या शरीरातून बाहेर पडण्याचा प्रयत्न करत होतो. पण आता, हे शरीर सोडण्यापूर्वी मला अजून काही काम करायचे आहे. घाबरण्यासारखे काही नाही. पंजाब इथे आहे आणि नेहमीच इथे राहील. मी हे जग आधीच सोडून गेलो आहे. हेच सत्य आहे. मी या मंचावर उभा आहे आणि हाच माझा देव आहे.”
अमेरिकेतील कॅलगरी येथे एका शो दरम्यान, दिलजीत दोसांझने खलिस्तान समर्थकांवर जोरदार हल्ला चढवला. त्याने सिद्धू मुसेवालाप्रमाणे आपल्या मांडीवर थाप मारत म्हटले, “ज्यांना यायचे आहे, ते मैदानात येऊ शकतात.” कॉन्सर्टमध्ये खलिस्तान समर्थक पोस्टर्स दाखवणाऱ्यांना तो म्हणाला, “मी तुम्हा सर्वांना उचलून बाहेर फेकून देईन…”
तो भावूक होऊन म्हणाला, “मला मृत्यूची भीती नाही. माझ्या मनात कोणाबद्दलही द्वेष नाही. मी सर्वांवर प्रेम करतो. प्रेम, आदर आणि क्षमा. मी शक्य तितके या गोष्टी माझ्या जीवनात आणण्याचा प्रयत्न करतो. काही लोक आजही माझ्यासोबत आहेत, आणि हेच तर पंजाबचे खरे स्वरूप आहे.”
व्हायरल व्हिडिओवर अनेक चाहत्यांनी प्रतिक्रिया दिल्या आहेत. एका युझरने लिहिले, “मला कल्पना नव्हती की त्याला सतत इतका द्वेष सहन करावा लागतो. मला वाटलं होतं की लोक त्याच्यावर प्रेम करतात. असं का?” दुसऱ्याने टिप्पणी केली, “लोक त्याला ट्रोल करत आहेत हे खूप दुःखद आहे. अव्हिची, चेस्टर बेनिंग्टन आणि एमी वाइनहाऊस—अशा अनेक लोकांनी त्यांच्या करिअरच्या शिखरावर असताना आपले प्राण गमावले. करिअरमध्ये इतकी चांगली कामगिरी करत असताना त्यांना तीव्र नैराश्याचा सामना करावा लागला. मला खरोखर आशा आहे की भारतीय लोक ट्रोलिंग करण्याऐवजी मानसिक आरोग्याला गांभीर्याने घ्यायला सुरुवात करतील.”
आणखी एका युझरने लिहिले, “पहिली गोष्ट म्हणजे, लहानपणी त्याला संगीत शिकण्यासाठी घरापासून दूर पाठवण्यात आले होते. मला वाटते की त्यावेळी त्याचे कुटुंब त्याच्यासोबत नव्हते. दुसरी गोष्ट म्हणजे, तो पूर्णपणे एकटा आहे. त्याचे आयुष्य खूप एकाकी आहे. त्याने तर असेही म्हटले आहे की तो आता दिवाळी साजरी करत नाही कारण त्यात पूर्वीसारखी मजा राहिलेली नाही. पैसा हा कोणत्याही गोष्टीवरचा उपाय नाही. तुम्ही लोक विनाकारण त्याचा द्वेष करत आहात.”
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा \
हेही वाचा
मुनव्वर फारूकी बनला बाबा, पत्नी मेहजबीनने दिला एका गोड मुलीला जन्म
