घाटकोपर येथील बेकायदा होर्डिंग दुर्घटनेत अभिनेता कार्तिक आर्यनच्या (Kartik Aryan) दोन नातेवाईकांचाही मृत्यू झाला आहे. चित्रपटसृष्टीतील लोकांना याची माहिती शुक्रवारीच आली. गुरुवारी दोघांच्या मृतदेहाची ओळख पटू शकली. कार्तिकने मुंबईत त्याच्या नातेवाईकांच्या अंत्यसंस्काराला हजेरी लावली आणि शोकाकूल कुटुंबाप्रती शोक व्यक्त केला.
सोमवारी मुंबई आणि परिसरात धुळीच्या वादळाचा तडाखा बसल्याने घाटकोपर येथील पेट्रोल पंपाजवळ लावलेले मोठे होर्डिंग तुटून तेथे इंधन घेण्यासाठी जमलेल्या लोकांवर पडले. देशातील सर्वात मोठे होर्डिंग म्हणून लिम्का बुक ऑफ रेकॉर्डमध्ये नोंद होण्यासाठी हे होर्डिंग लावण्यात आल्याचे सांगितले जाते. या प्रकरणी पोलिसांनी हे होर्डिंग्ज लावणाऱ्या इगो मीडिया प्रायव्हेट लिमिटेड या कंपनीचे संचालक भावेश भिंडे याला अटक केली आहे.
या अपघातात मृत्युमुखी पडलेल्यांची संख्या आता 16 वर पोहोचली असून या मृतांमध्ये अभिनेता कार्तिक आर्यनच्या कुटुंबातील दोन जणांचा समावेश आहे. मनोज चांसोरिया (60) आणि त्यांची पत्नी अनिता (59) हे सोमवारपासून बेपत्ता होते. मिळालेल्या माहितीनुसार, हे दोघेही अमेरिकेला जाण्यासाठी व्हिसाची प्रक्रिया पूर्ण करण्यासाठी मुंबईत आले होते. त्यांचा मुलगा यश अमेरिकेत राहत असून सोमवारी सायंकाळी ५ वाजल्यापासून यश त्याच्या आई-वडिलांशी संपर्क करू शकला नाही.
यशने त्याच्या आई-वडिलांना खूप फोन केले आणि त्यांचा फोन आला नाही तेव्हा तो मुंबईत राहणाऱ्या वडिलांच्या मित्रांशी बोलू लागला. मनोज चांसोरिया हे एअर ट्रॅफिक कंट्रोल (ATC) अधिकारी आहेत. अनेक तासांच्या शोधानंतर मनोज आणि त्याच्या पत्नीचे मृतदेह होर्डिंगच्या ढिगाऱ्याखाली गाडलेले आढळले.
मनोज आणि अनिता यांच्या कार्तिकसोबतच्या नात्याबाबत असे समोर आले आहे की, ते कार्तिकचे मामा आणि मामी होते. जबलपूरमधील मरियम चौकाजवळ राहणाऱ्या चान्सोरिया दाम्पत्याचे मुंबईतील सहार स्मशानभूमीत अंत्यसंस्कार करण्यात आले आणि कार्तिकने त्याच्या ‘चंदू चॅम्पियन’ चित्रपटाचे प्रमोशन थांबवून त्यात सहभाग घेतला.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
‘पिरतीचा वनवा उरी पेटला’ मालिकेला उत्कंठावर्धक वळण; मास्टरमाईंड प्लॅन मागे आहे ‘हा’ चेहरा
शॉर्ट्स घालून मंदिरात गेल्याने अंकिता लोखंडे झाली ट्रोल; युजर्स म्हणाले, ‘हिला वेड लागलंय’
