असे अनेक बालकलाकार आहेत, ज्यांनी आपल्या अभिनयाने छोट्या आणि मोठ्या पडद्यावर एक वेगळीच छाप पाडली आहे. काही कलाकारांना तर वयाच्या पाचव्या वर्षापासूनच अभिनय करताना आपण पाहिले आहे. यापैकीच एक टीव्हीवरील प्रसिद्ध अभिनेत्री म्हणजे जन्नत झुबेर होय. जन्नतने सन २००९ साली बालकलाकार म्हणून अभिनय क्षेत्रात पाऊल ठेवले होते. पण तिला खरी ओळख मिळाली ती सन २०११ साली आलेल्या ‘फुलवा’ या मालिकेमुळे. सन २०१८ साली जन्नतचा ‘तू आशिकी’ हा शो खूप हिट झाला होता. या शोमध्ये पंक्ती (जन्नत) आणि अहान (ऋत्विक अरोरा) यांच्यात एक किसींग सीन करायचा होता, परंतु हा सीन शूट होण्यापूर्वीच जन्नतची आई चांगलीच भडकली होती. त्यांनी याला नकार दिला होता.
या किसींग सीनबाबत जन्नतची आई आणि निर्मात्यांमध्ये चांगलेच वादविवाद झाले. वृत्तानुसार, अभिनेत्रीच्या आईने शो साईन करतानाच एक अट ठेवली होती की, शोमध्ये कोणताही किसींग सीन केला जाणार नाही.
जन्नत झुबेरच्या वडिलांनी एक निवेदन जारी केले होते, ज्यामध्ये त्यांनी अभिनेत्रीच्या किसींग सीनबाबत प्रश्न उपस्थित केले होते. त्यांनी म्हटले होते की, “आम्ही निर्मात्यांसोबत एक करार केला आहे, ज्यामध्ये अनेक गोष्टींबाबत स्पष्टपणे लिहिले गेले होते.”
पिंकव्हिलाशी बोलताना जन्नतच्या वडिलांनी म्हटले होते की, “मी माझ्या मुलीला असे काहीही करण्याची परवानगी देणार नाही. तेही या वयात.” जन्नत त्यावेळी १६ वर्षांची होती. अभिनेत्रीच्या वडिलांनी म्हटले होते की, “हा शो कुटुंबातील व्यक्ती एकत्र बसून पाहतात. जर निर्मात्यांना ऍडल्ट चित्रपट बनवायचा असेल, तर आम्हाला हे मान्य नाही. सरकारही १८ पेक्षा कमी वय असलेल्यांना लग्न करण्याची परवानगी देत नाही. तुम्ही जन्नतकडून अशा सीनची अपेक्षा करत असाल, तर ते चुकीचे आहे.”
“आम्ही आधापासूनच एक्स्ट्रा गोष्टी करण्यासाठी तयार झालो आहोत. आता जेव्हा या गोष्टीची मागणी येत आहे, तर आम्हाला वाटते की, गोष्टींचे उल्लंघन केले जात आहे,” असेही पुढे बोलताना त्यांनी म्हटले. कदाचित तिच्या लहान वयामुळेच तिच्या आईने किसींग किंवा रोमँटिक सीन देण्यापासून विरोध केला असावा.
खरं तर १९ वर्षीय जन्नत जवळपास ८ वर्षांपासून टीव्ही मालिकांमध्ये काम करत आहे. तिला ‘फुलवा’ या मालिकेतून खूप प्रेम मिळाले. सातत्याने टीव्हीवर सक्रिय राहणाऱ्या फुलवाने आता अभिनेत्री म्हणूनही बॉलिवूडमध्ये एंट्री केली आहे.
जन्नतने आतापर्यंत ‘तू आशिकी’, ‘फुलवा’, ‘भारत का वीर पुत्र महाराणा प्रताप’, ‘काशी- अब ना रहे तेरा कागज कोरा’ यांसारख्या मालिकांमध्ये काम केले आहे. याव्यतिरिक्त ती ‘हिचकी’, ‘लव्ह का द एंड’ यांसारख्या चित्रपटात झळकली आहे.
जन्नतने खूप प्रसिद्धी मिळवली आहे. तिचे इंस्टाग्रामवर तब्बल २८. ६ मिलियनपेक्षा अधिक फॉलोवर्स आहेत.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-‘काळ्या चिमण्या दिसंना झाल्यात, आवरा राव थोडंसं’, शालूचा डान्स पाहून चाहत्याची भन्नाट कमेंट
