प्रियंका चोप्रा जोनास (priyanka chopra jonas) आणि ऑस्कर-विजेता अभिनेता व दिग्दर्शक रसेल क्रो ‘ब्लूफ्लाय’ या चित्रपटात एकत्र दिसणार आहेत. या सायन्स-फिक्शन ॲक्शन थ्रिलरचे दिग्दर्शन ‘प्रिडेटर्स’ या गाजलेल्या हॉलिवूड चित्रपटाचे दिग्दर्शक निम्रोड अंताल करणार आहेत.
माध्यमांच्या वृत्तानुसार, ‘ब्लूफ्लाय’चे चित्रीकरण या वर्षाच्या अखेरीस ऑस्ट्रेलियाच्या गोल्ड कोस्ट येथे होणार आहे. ‘डेडलाइन’नुसार, लिया बॉमन, गाय डेव्हिस, रुथॲन फ्रिजेरियो, ब्रायन कॅव्हनाघ-जोन्स, जेसन क्रिंगस्टाईन, केटी लियरी, स्कॉट लेव्हनसन आणि जेम्स नॉरबरी हे कार्यकारी निर्माते आहेत.
हा चित्रपट काँगोमध्ये राहणाऱ्या एका संयुक्त राष्ट्राच्या अनुवादकाची कथा सांगतो. ती एक कोसळलेले विमान शोधण्याच्या गुप्त मोहिमेवर आहे. या मोहिमेदरम्यान तिला अनेक आव्हानांचा सामना करावा लागतो. अखेरीस, जेव्हा मुख्य पात्र विमानापर्यंत पोहोचते, तेव्हा तिच्या लक्षात येते की ते विमान परत आणायलाच नको होते.
प्रियांका चोप्रा हॉलिवूड व्यतिरिक्त भारतीय चित्रपटांमध्येही काम करत आहे. ती आठ वर्षांनंतर एस.एस. राजामौली यांच्या ‘वाराणसी’ या चित्रपटात दिसणार आहे. या चित्रपटात महेश बाबू आणि पृथ्वीराज सुकुमारन हे देखील आहेत. या चित्रपटात पौराणिक कथा आणि विज्ञान कथा यांचा संगम असेल. बॉन्ड गर्लच्या भूमिकेसाठी प्रियांकाच्या नावाचाही विचार केला जात आहे.
हेही वाचा
