Monday, June 24, 2024

गर्भनिरोधकांना प्रोत्साहन आणि जनजागृती करणार राधिका आपटे, करणार जोरदार कमबॅक

बॉलिवूडची प्रसिद्ध अभिनेत्री राधिका आपटे (Radhika Apate) पुन्हा एकदा चर्चेत आली आहे. यावेळी ती कोणत्याही चित्रपटामुळे चर्चेत नसून तिने एका गर्भनिरोधक ब्रँडची जाहिरात करण्याचे ठरवले आहे. या विषयावर अभिनेत्री काय म्हणाली? हे जाणून घेऊया.

राधिका आपटे बॉलिवूडमध्ये तिच्या बोल्ड आणि कूल स्टाइलसाठी प्रसिद्ध आहे. ती नेहमीच आउट ऑफ द बॉक्स चित्रपट करताना दिसते. अभिनेत्रीने एक मोठा निर्णय घेतला आहे, जो ऐकून सर्वांनाच आश्चर्याचा धक्का बसला आहे. राधिका आपटे गर्भनिरोधक ब्रँडसाठी काम करणार आहे.

राधिका आपटेला या जाहिरातीसाठी मोठी रक्कम मिळाली आहे. लोकांमध्ये जनजागृती करण्याचे काम ही अभिनेत्री करणार आहे. गर्भनिरोधकाच्या जाहिरातीतील राधिका आपटेचा हा व्हिडिओ चांगलाच व्हायरल होत आहे.

राधिका आपटेची ही जाहिरात महिलांमध्ये जागृती करण्याच्या उद्देशाने बनवण्यात आली आहे. ही जाहिरात आनंद, सुरक्षितता आणि आरामात कधीही तडजोड न करण्यावर भर देते. हा निर्णय कोणावर सोडू नये तर दोन्ही भागीदारांनी एकत्रितपणे घेतला पाहिजे.

राधिका आपटे देखील तिच्या चित्रपटांमध्ये बोल्ड आणि महिला-केंद्रित भूमिका साकारताना दिसत आहे. अभिनेत्रीचे हे पाऊल देखील महिलांना जागरूक करण्यासाठी उचललेले एक धाडसी पाऊल आहे.

दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा

हेही वाचा-

जान्हवी कपूरने पंकज त्रिपाठीसाठी का केले नवस, मांसाहार देखील होता सोडला
अमोल पालेकरच्या याचिकेवर न्यायालयाने केंद्राला पाठवली नोटीस, अभिनेत्याने आयटी नियमांना दिले आव्हान

हे देखील वाचा