उद्योगपती आणि अभिनेत्री शिल्पा शेट्टीचा पती राज कुंद्राने नुकताच एक व्हिडिओ शेअर केला आहे. ज्यामध्ये तो स्टँड-अप कॉमेडी करताना दिसत आहे. या व्हिडिओत तो आपल्या आयुष्यातील विविध अनुभवांवर भाष्य करत आहे. त्यात पॉर्नोग्राफी प्रकरणावरही त्याने भाष्य केले आहे.
व्हिडिओच्या सुरुवातीला राज कुंद्रा (Raj Kundra) म्हणाला की, “मी गेल्या काही वर्षांत खूप काही अनुभवले आहे. यामध्ये चांगली आणि वाईट दोन्ही गोष्टींचा समावेश आहे. मला माझ्या आयुष्यातील सर्व अनुभवांबद्दल बोलायला आवडेल. पण आज मी तुम्हाला माझ्या आयुष्यातील सर्वात कठीण काळाबद्दल बोलणार आहे. मी वयाच्या 18व्या वर्षी लंडनमध्ये कॅब चालवून करिअरची सुरुवात केली. मी नेहमीच कपडे घालण्याचे काम केले आहे, ते काढण्याचे नाही.”
राज कुंद्रा पुढे म्हणला की, “2022 मध्ये माझ्यावर पोर्नोग्राफीचे आरोप झाले. हे माझ्या आयुष्यातील सर्वात कठीण काळ होता. पण या प्रकरणाचा माझ्या आयुष्यावर खूप मोठा परिणाम झाला आहे. या प्रकरणात राज कुंद्राला जुलै 2021 मध्ये अटक करण्यात आली होती आणि वर्षाच्या अखेरीस त्यांची जामिनावर सुटका करण्यात आली होती. एका महिलेने त्यांच्यावर गंभीर आरोप केले होते. महिलेने दाखल केलेल्या एफआयआरमध्ये शर्लिन चोप्रा आणि पूनम पांडे यांना सहआरोपी करण्यात आले होते.”
“या प्रकरणामुळे माझ्या कुटुंबावर आणि माझ्या करिअरवर खूप परिणाम झाला आहे. मी माझ्या पत्नी शिल्पा शेट्टी आणि माझ्या मुलींच्या समोर खरा माणूस राहू शकलो नाही. या प्रकरणामुळे मला खूप वाईट वाटले आहे. मी आता या प्रकरणावरून पुढे जाण्याचा प्रयत्न करत आहे. मी माझ्या आयुष्यात नवीन अध्याय सुरू करण्याचा प्रयत्न करत आहे. मी माझ्या कुटुंबाला आणि माझ्या करिअरला पुन्हा एकदा नवीन सुरुवात देऊ इच्छितो.” असे ही राज म्हणाला आहे.
View this post on Instagram
या व्हिडिओवर सोशल मीडियावर अनेक प्रतिक्रिया उमटत आहेत. काही लोक राज कुंद्राच्या भाषणाचे कौतुक करत आहेत. तर काही लोक त्याच्यावर टीका करत आहेत. राज कुंद्रा यांचा हा व्हिडिओ त्यांच्या आयुष्यातील एक महत्त्वाचा टप्पा मानला जात आहे. या व्हिडिओमुळे त्यांच्यावर पडलेल्या आरोपांबाबत अधिक स्पष्टता आली आहे. (Raj Kundra breaks silence on pornography case)
आधिक वाचा-
–अभिनेत्री उर्फी जावेदने केला धक्कादायक खुलासा; म्हणाली, ‘मी घरात नग्नावस्थेत वावरते कारण…’
–बापरे! करीनाने ‘या’ चित्रपटात परिधान केले होते तब्बल 130 ड्रेस, एकदा वाचाच
