Tuesday, September 26, 2023

धक्कादायक ! साऊथमधील प्रसिद्ध अभिनेत्याच्या मुलीची आत्महत्या, कारण अद्याप अस्पष्ट

दक्षिणेतील मनोरंजन जगतातून सकाळी एक वाईट बातमी येत आहे. माध्यमातील वृत्तानुसार साऊथचे प्रसिद्ध अभिनेता आणि संगीतकार विजय अँटोनी यांची 16 वर्षीय मुलगी लारा अँटोनी हिने आत्महत्या केली आहे. मंगळवारी सकाळी उघडकीस आलेली ही बातमी संपूर्ण इंडस्ट्रीला धक्का बसली आहे. मिळालेल्या माहितीनुसार, पहाटे ३ वाजण्याच्या सुमारास त्यांच्या मुलीच्या आत्महत्येची बातमी विजयला मिळाली. त्यानंतर त्यांना रुग्णालयात नेण्यात आले, तेथे त्यांना मृत घोषित करण्यात आले.

वृत्तानुसार, विजय पहाटे 3 वाजता आपल्या मुलीच्या खोलीत गेला तेव्हा तिला ती फासावर लटकलेली दिसली. यानंतर विजय कर्मचाऱ्यांच्या मदतीने मुलीला रुग्णालयात नेले असता तिला मृत घोषित करण्यात आले. विजयची मुलगी बारावीत शिकत होती. मंगळवारी सकाळपासूनच या बातमीने संपूर्ण मनोरंजन विश्वात शोककळा पसरली आहे.

विजयच्या जवळच्या नातेवाईकांना या बातमीवर विश्वास बसत नाहीये. विजयच्या घरी मोठ्या संख्येने लोक पोहोचू लागले आहेत. त्याचवेळी, विजयचे जवळचे मित्र ही दुःखद बातमी सोशल प्लॅटफॉर्मवर शेअर करत आहेत आणि त्यांच्या मुलीच्या आत्म्याला शांती मिळावी यासाठी प्रार्थना करत आहेत.

दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा

हेही वाचा-

लग्नानंतर पहिल्यांदा देवोलिना भट्टाचार्जी पहिल्यांदा करणार पतीसोबत गणपती साजरा, सोशल मीडियावर दिली माहिती
रोहित शेट्टीच्या नवीन वेबसिरीजमध्ये दिसणार श्वेता तिवारी, सोशल मीडियावर केली पोस्ट शेअर

हे देखील वाचा