टायगर श्रॉफच्या अभिनेत्रीने आकर्षक फिगर दाखवत केलं चाहत्यांना घायाळ, ख्रिसमस पार्टीचे फोटो आले समोर


सामान्य लोकांप्रमाणे बॉलिवूड सेलिब्रिटींमध्येही ख्रिसमसचा (Christmas 2021) उत्साह पाहायला मिळत आहे. अशा परिस्थितीत बॉलिवूड सेलिब्रिटी वेगवेगळ्या ठिकाणी पार्टी करत आहेत. दरम्यान, बॉलिवूडची एक सुंदर अभिनेत्री पॅपराजींच्या कॅमेऱ्यात कैद झाली, जिला पाहून सर्वांचेच मन भुरळून गेले. पांढऱ्या बॉडीकॉन ड्रेसमध्ये ही अभिनेत्री खूपच सुंदर दिसत होती आणि चाहत्यांना तिचा हा अवतार खूपच आवडला. चाहते अभिनेत्रीच्या कर्व्ही फिगरचे कौतुक करत आहेत आणि तिच्या फिटनेसचे कौतुकही करत आहेत. मग तुम्ही या अभिनेत्रीला ओळखले का?

ख्रिसमस पार्टीमध्ये सामील झाली तारा
खरं तर ही सुंदर अभिनेत्री दुसरी तिसरी कोणी नसून, तारा सुतारिया (Tara Sutariya) आहे. जी ‘तडप’ चित्रपटाच्या यशाचा आनंद घेत आहे. तारा सुतारिया ख्रिसमसच्या खास प्रसंगी आदर जैनसोबत पृथ्वी थिएटरमध्ये ख्रिसमस पार्टीसाठी सामील झाली. यादरम्यान ताराने पॅपराजींकडे पाहून खूप पोझ दिल्या आणि हसत हसत सर्वांना प्रेमही दिले. ताराच्या या फोटोंना चाहत्यांची भरभरून पसंती मिळत आहे. (tara sutaria spotted in white bodycon dress at prithvi theatre for christmas party)

‘तडप’च्या यशाचा आनंद लुटतेय तारा
तारा नुकतीच ‘तडप’ चित्रपटात दिसली होती. सुनील शेट्टीचा मुलगा अहान शेट्टीने या चित्रपटाद्वारे बॉलिवूडमध्ये पदार्पण केले आहे. चित्रपटासोबतच चित्रपटाच्या गाण्यांनाही प्रेक्षकांचा चांगला प्रतिसाद मिळाला. ताराने तिच्या अभिनयाने मने जिंकली, तर दुसरीकडे तिचा बोल्ड अवतारही चाहत्यांना खूप आवडला.

तारा सुतारियाचे आगामी चित्रपट
तारा लवकरच टायगर श्रॉफसोबत ‘हिरोपंती’ करताना दिसणार आहे. होय, या चित्रपटाचा सीक्वल ‘हिरोपंती २’मध्ये तारा टायगरसोबत स्क्रीन शेअर करताना दिसणार आहे. ताराने काही काळापूर्वी या चित्रपटाचे पोस्टर सोशल मीडियावर शेअर केले होते. ‘हिरोपंती २’ व्यतिरिक्त तारा ‘एक व्हिलन रिटर्न्स’मध्येही दिसणार आहे.

हेही वाचा-


Latest Post

error: Content is protected !!