हनी सिंग (Honey Singh) एका जुन्या वादग्रस्त गाण्यामुळे चर्चेत आहे. दिल्ली उच्च न्यायालयाने यापूर्वीच हे गाणे सर्व सोशल मीडिया आणि म्युझिक स्ट्रीमिंग प्लॅटफॉर्मवरून काढून टाकण्याचे आदेश दिले होते. आता हनी सिंगला त्या आक्षेपार्ह गाण्यासंदर्भात प्रतिज्ञापत्र दाखल करण्याचे आदेश देण्यात आले आहेत. हनी सिंगने केलेल्या दाव्यानंतर न्यायालयाने हा आदेश जारी केला आहे.
एएनआय या वृत्तसंस्थेनुसार, गायक हनी सिंगने इंदिरा गांधी स्टेडियममध्ये ५०,००० प्रेक्षकांसमोर आक्षेपार्ह गाणे गायल्याचा दावा फेटाळला आहे. त्याच्या वकिलाने असा युक्तिवाद केला की, जर ते खरे असते, तर नक्कीच एक ऑडिओ किंवा व्हिडिओ क्लिप उपलब्ध असती. त्याने काय म्हटले याचा तपशील देणारे प्रतिज्ञापत्र दाखल करण्याचे निर्देश उच्च न्यायालयाने दिले.
हनी सिंगच्या वादग्रस्त गाण्याशी संबंधित प्रकरणाची पुढील सुनावणी १९ मे रोजी होणार आहे. उच्च न्यायालयाने केंद्र सरकारला अनुपालन अहवाल सादर करण्यास सांगितले आहे. ‘हिंदू शक्ती दल’ नावाच्या संघटनेने दाखल केलेल्या याचिकेवर दिल्ली उच्च न्यायालय सुनावणी घेत आहे. या याचिकेत असा आरोप करण्यात आला आहे की, हनी सिंगने एक आक्षेपार्ह गाणे गायले असून त्याच्या लिंक्स इंटरनेटवरून काढून टाकण्यात याव्यात.
दिल्ली उच्च न्यायालयाने यापूर्वी म्हटले होते की, हे गाणे अत्यंत असभ्य, अश्लील आणि महिलांचा अपमान करणारे आहे. कोणताही सुसंस्कृत समाज अशा प्रकारची सामग्री डिजिटल माध्यमांवर राहू देऊ शकत नाही.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
रुबिना दिलैक करणार मातृत्वावर आधारित ‘द वॉर्ड’ या रिॲलिटी शोमधून सूत्रसंचालनात पदार्पण
