होळीच्या दिवशी बॉलिवूड कलाकारांसोबत घडल्या ‘या’ अनोख्या घटना, ज्या कायम राहिल्या कलाकारांच्या स्मरणात

होळीच्या दिवशी रंगांनी बहरलेल्या चेहऱ्यांची आणि धमालीची कोण उत्सुकतेने वाट पाहत नाही. साधा असो वा खास, रंग हा सण सर्वांना आनंदाने नाचवतो. ज्याप्रमाणे प्रत्येक सणाचा संबंध बॉलिवूडशी आहे. त्याचप्रमाणे होळीचा देखील बॉलिवूडशी खूप खोल संबंध आहे. आपण सर्वांनी चित्रपटांमध्ये होळीशी संबंधित अनेक अविस्मरणीय दृश्ये पाहिली आहेत. परंतु वास्तविक जीवनात देखील बॉलिवूड सेलिब्रिटींच्या काही अतिशय मनोरंजक कथा आहेत ज्या अजूनही पडद्यामागे आहेत. असे म्हटले जाते की, राज कपूर यांनी बॉलिवूडमध्ये होळी पार्टीचा ट्रेंड सुरू केला. ज्यामध्ये प्रत्येक स्टार थिरकताना दिसत होता. चला तर मग बॉलिवूड कलाकार आणि त्यांच्याशी संबंधित होळीच्या काही अतिशय रंजक गोष्टी जाणून घेऊया.

जेव्हा अमिताभ बच्चन यांनी राज कपूर यांच्या पार्टीला ठोकली धूम 

होळी हा एक असा सण आहे जो कपूर कुटुंबात वर्षानुवर्षे मोठ्या थाटामाटात साजरा केला जातो. राज कपूरच्या काळापासून बॉलिवूड कलाकार होळीच्या कार्यक्रमात जत्रा भरवत असत. वर्षभरापूर्वी आरके स्टुडिओच्या होळीच्या पार्टीत अमिताभ बच्चन यांनी जोरदार धूम ठोकली होती. होळीची ही कहाणी तेव्हाची आहे जेव्हा अमिताभ बच्चन सुपरस्टार बनले नव्हते. त्या काळात अमिताभ हे एक संघर्षशील अभिनेते होते ज्यांचे अनेक चित्रपट फ्लॉप झाले होते. त्याचवेळी अमिताभ बच्चन राज कपूर यांच्या होळी पार्टीला आले आणि राज कपूर यांनी त्यांना सांगितले की, आज धमाका झाला पाहिजे.

राज कपूर यांनी अमिताभ बच्चन यांना असेही सांगितले की, आज या पार्टीत अनेक लोक उपस्थित आहेत ज्यांना तुमची प्रतिभा पाहायला मिळेल. मग काय तर अमिताभ बच्चन पहिल्यांदाच ‘रंग बरसे भीगे चुनर वाली’ गाणे गाऊन इंडस्ट्रीतील लोकांसमोर आले. अमिताभ बच्चन यांच्या आवाजातील हे गाणे लोकांना खूप आवडले. हेच कारण आहे की, वर्षांनंतर यश चोप्रांनी त्यांच्या ‘सिलसिला’ चित्रपटात हे गाणे समाविष्ट केले आणि आज हे गाणे चित्रपटसृष्टीतील होळीचे आयकॉनिक गाणे बनले आहे.

देव आनंद कधीच राज कपूर यांच्या होळी पार्टीत गेले नाहीत, जाणून घ्या काय होते कारण

राज कपूर यांची होळी पार्टी संपूर्ण बॉलिवूडमध्ये प्रसिद्ध असल्याने सर्वच दिग्गज मंडळी या पार्टीत सहभागी होऊन धमाका करत असत. पण या सर्व स्टार्समध्ये एक असा स्टार होता, जो कधीही राज कपूर यांच्या होळी पार्टीला गेला नव्हता. ते राज कपूर यांचे अत्यंत जवळचे मित्र देव आनंद. देव आनंद नेहमी होळी पार्टीपासून अंतर राखत होते. होळीच्या रंगांमध्ये सिलेब्रिटी जमले असताना, राज कपूर यांनी आपला जिवलग मित्र देव आनंद यांना या पार्टीत येण्यास भाग पाडले नाही. खरे तर, राज कपूर देव आनंद यांच्या आवडीनिवडीचा आदर करत असत. देव आनंद यांना होळी खेळायला अजिबात आवडत नसे, त्यामुळेच ते राज कपूर यांच्या होळीच्या मस्तीत कधीच सामील झाले नाही.

यश चोप्रांच्या होळी पार्टीत कथ्थक क्वीन सितारा देवी यांनी केला खूप डान्स 

प्रसिद्ध लेखक आणि दिग्दर्शक रुमी जाफरी यांनी होळीची कहाणी शेअर करताना सांगितले की, मुंबईत आल्यानंतर त्यांनी यशराज चोप्रा यांच्या यशराज स्टुडिओमध्ये पहिल्या होळीला हजेरी लावली होती. होळीचा तो सोहळा आजही आठवतो, असे त्यांनी सांगितले. खर तर, यश चोप्रांच्या होळी पार्टीतील कथ्थक क्वीन सितारा देवी यांचा दमदार डान्स आजही लोकांच्या मनात आहे. या होळीच्या पार्टीत सितारा देवींनी अतिशय सुंदर कामगिरी केली. सितारा देवी यांचा हा परफॉर्मन्स पाहून तिथे उपस्थित लोकांनाही स्वतःला नाचण्यापासून रोखता आले नाही.

दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा

हेही वाचा –

Latest Post