Sunday, May 19, 2024

100 किलो वजनाचा ड्रेस घालून उर्फी जावेदने केला विक्रम, सोशल मीडियावर व्हिडिओ व्हायरल

उर्फी जावेदला (Urfi Jawed) कोणत्याही ओळखीची गरज नाही. तिच्या ड्रेसिंग स्टाईलमुळे चर्चेत असलेल्या उर्फीने पुन्हा एकदा असे काही केले आहे जे कदाचित कोणी पाहिले नसेल. उर्फी जावेद पुन्हा एकदा तिच्या कपड्यांमुळे चर्चेत आली आहे. शनिवारी, अभिनेत्री एक वेगळाच ड्रेस परिधान करून पापाराझींसमोर आली,

यावेळी उर्फी जावेदचा ड्रेस कापडाचा असला तरी त्याचे वजन 100 किलो आहे. होय, अभिनेत्रीने 100 किलो वजनाचा ड्रेस परिधान करून सर्वांना आश्चर्यचकित केले आहे. हा जड ड्रेस घातल्यानंतर उर्फीला ट्रकची मदत घ्यावी लागली. याचा एक व्हिडिओ सोशल मीडियावर मोठ्या प्रमाणात व्हायरल होत आहे.

काही लोक उर्फीला पकडून ट्रकमधून खाली घेऊन जात असल्याचे व्हिडिओमध्ये दिसत आहे. यादरम्यान उर्फी सांगते की, रेड कार्पेटवर मला कोणीही आमंत्रित करत नाही, म्हणून मी स्वतःचे रेड कार्पेट तयार केले आहे. उर्फीचे म्हणणे आहे की हा पोशाख बनवण्यासाठी 2 ते 3 महिन्यांचा कालावधी लागला आणि 10-11 लोकांनी मिळून ते तयार केले.

यानंतर उर्फीने सर्वांना तिच्या डिझायनरची ओळख करून दिली. उर्फी पुढे म्हणते की, ‘रेड कार्पेटवरही असे कोणी केले नाही. मी असेच रेड कार्पेट करत राहीन. तुम्ही लोक त्या लोकांकडे जाऊ नका पण माझ्याकडे या.

या व्हिडिओची सोशल मीडियावर चांगलीच चर्चा होत आहे. युजर्स पुन्हा एकदा उर्फी जावेदच्या क्रिएटिव्हिटीवर कमेंट करत आहेत. या व्हिडीओवर कमेंट्सचा पूर आला आहे. एका व्यक्तीने लिहिले की, ‘उर्फीचा हा ड्रेस माझ्या वॉर्डरोबपेक्षा खूपच जड दिसत आहे.’ तर दुसऱ्या युजरने कमेंट बॉक्समध्ये लिहिले की, ‘तिने संपूर्ण देशाचे कपडे शिवले आहेत आणि परिधान केले आहेत.’ एका यूजरने लिहिले की, ‘मॅडम तुम्ही किती मेहनत घेत आहात.’

दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा

हेही वाचा-

‘इंडस्ट्री कोणाच्याही बापाची नाही’, नेपोटिसमवर विद्या बालनचे मोठे वक्तव्य
राम चरणच्या शिरपेचात आणखी एक मनाचा तुरा, चेन्नई विद्यापीठ मानद पदवी देऊन करणार सन्मानित

हे देखील वाचा