मराठी चित्रपट ‘झिम्मा’चा दुसरा भाग ‘झिम्मा 2’ने प्रेक्षकांमध्ये उत्सुकता निर्माण केली होती. दिग्दर्शक हेमंत ढोमे यांनी या चित्रपटाची निर्मिती केली असून, सिद्धार्थ चांदेकर, सुहास जोशी, सायली संजीव, क्षिती जोग, सुचित्रा बांदेकर, शिवानी सुर्वे आणि रिंकू राजगुरू या कलाकारांच्या प्रमुख भूमिका आहेत. 24 नोव्हेंबर रोजी प्रदर्शित झालेल्या या चित्रपटाला प्रेक्षकांचा उत्स्फुर्त प्रतिसाद मिळत आहे.
चित्रपट पाहण्यासाठी प्रेक्षक सिनेमागृहांमध्ये गर्दी करत आहेत. चित्रपटाने यशस्वीरित्या सिनेमागृहात आठवडा पूर्ण केला आहे. या आठवड्यात चित्रपटाने चांगली कमाई केली आहे. ‘झिम्मा’च्या पहिल्या भागात सोनाली कुलकर्णी आणि मृण्मयी गोडबोले यांच्या भूमिका होत्या. ‘झिम्मा 2’मध्ये (Jhimma 2) या दोन्ही कलाकारांऐवजी शिवानी सुर्वे आणि रिंकू राजगुरू यांना घेण्यात आले आहे. रिंकूने (Rinku Rajguru) या चित्रपटाबद्दल सोशल मीडियावर एक पोस्ट केली होती. या पोस्टमध्ये तिने चित्रपटाची कथा आणि कलाकारांच्या कामगिरीची प्रशंसा केली होती. तिच्या या पोस्टमुळे चित्रपटाबद्दल प्रेक्षकांमध्ये आणखी उत्सुकता निर्माण झाली होती.
रिंकू राजगुरू पोस्ट करताना लिहिले की, “काय बोलु मी या यांच्याबद्दल, या प्रवासात मी नविन आहे असं मला आजवर कधी जाणवलं नाही. या सगळ्यांसमोर मी आपली इवलुशी,पण या इवलुश्या जिवाला या सगळ्यांनी अगदी अलगदपणे सामावून घेतलं आपलस केलं. तुम्हा सर्वांकडुन खुप शिकले या प्रवासात.खुप सुंदर गोष्टी अनुभवायला मिळाल्या.या सगळ्यासाठी सगळ्यांना खुप खुप थॅंक्यु.खुप प्रेम. @hemantdhome21 दादा थॅंक्यु तू मला ही संधी दिलीस….” ही पोस्ट सोशल मीडियावर व्हायरल होत आहे.
View this post on Instagram
‘झिम्मा 2’ हा चित्रपट एका महिला मंडळाच्या सहलीवर आधारित आहे. या चित्रपटात सात वेगवेगळ्या स्वभावाच्या महिला एकत्र येतात आणि त्यांची सहल कशी रंगते हे पाहायला मिळते. चित्रपटातील कलाकारांच्या अभिनयाने प्रेक्षकांना हा चित्रपट आवडत आहे. ‘झिम्मा 2’ हा चित्रपट सध्या महाराष्ट्रातील प्रमुख चित्रपटगृहांमध्ये प्रदर्शित होत आहे.
आधिक वाचा-
–नाद करा पण गौतमीचा कुठं… सबसे कातीलच्या पहिल्या वहिल्या ‘घुंगरू’चं पहिलं पोस्टर आऊट
–श्रीदेवी यांचं आयुष्य मोठ्या पडद्यावर? बोनी कपूर यांनी दाखवला रेड सिग्नल, म्हणाले…
