ऐंशीच्या दशकापासून ते आजपर्यंत आपल्या अभिनयाने बॉलिवूड चित्रपटसृष्टी गाजवणाऱ्या अभिनेत्याचे नाव सांगा, असे म्हटल्यावर अनेक दिग्गज अभिनेत्यांची नावे आपल्या मुखात येतात. यातीलच एक आवर्जुन घ्यावं असं नाव म्हणजे, अनिल कपूर होय. चित्रपटसृष्टीसोबतच अनिल कपूर यांचा सोशल मीडियावरही दबदबा कायम आहे. त्यांना इंस्टाग्रामवर तब्बल ४० लाखांपेक्षाही अधिक फॉलोवर्स आहेत. ते फोटो आणि व्हिडिओ शेअर करून चाहत्यांशी संवाद साधत असतात. अशात त्यांनी शेअर केलेल्या फोटोवरून स्पष्ट केले आहे की, ‘ओल्ड इज गोल्ड.’ खरं तर अनिल कपूर यांच्या चित्रपटाला ३८ वर्षे पूर्ण झाली आहेत. (38 Years of Woh Saat Din Actor Anil Kapoor Wrote I Will Try To Stay On This Peak With My Hard Work)
सन १९८३ मध्ये प्रदर्शित झालेल्या ‘वो सात दिन’ या चित्रपटाने ३८ वर्षे पूर्ण केली आहेत. अनिल कपूर यांनी पहिल्यांदाच या चित्रपटात मुख्य अभिनेत्याची भूमिका साकारली होती. या चित्रपटाची निर्मिती अनिल कपूर यांचे वडील सुरिंदर कपूर आणि भाऊ बोनी कपूर यांनी केली होती.
मुख्य अभिनेता म्हणून अनिल यांचा हा आपला पहिला चित्रपट असला, तरीही ते या चित्रपटासाठीची पहिली पसंत नव्हते. अनिल कपूर यांचे भाऊ मिथुन चक्रवर्ती यांना साईन करणार होते. सन १९८२ मध्ये मिथुन चक्रवर्ती यांच्या ‘डिस्को डान्सर’ चित्रपटाने कमालीचे यश मिळवले होते. त्यानंतर मिथुन यांनी आपल्या मानधनात वाढ केली होती. त्यानंतर असे वृत्त पसरले की, बोनी कपूर यांनी आपला भाऊ अनिल कपूरला लाँच केले आहे.
या चित्रपटात अनिल कपूरसोबत नसीरुद्दीन शाह आणि पद्मिनी कोल्हापुरे यांच्या मुख्य भूमिका होत्या. चित्रपटाचे दिग्दर्शन बापू यांनी केले होते. गीतकार आनंद बक्षी, संगीतकार लक्ष्मीकांत प्यारेलाल, सिनेमॅटोग्राफर बाबा आझमी आणि एडिटर एन चंद्रा हे होते.
अनिल कपूर यांनी अधिकृत इंस्टाग्राम अकाऊंटवर आपला फोटो शेअर करत लिहिले की, “वो सात दिनला प्रदर्शित होऊन आज ३८ वर्षे पूर्ण झाली आणि या ३८ वर्षांमध्ये तुम्ही सर्वांनी मला यशाच्या शिखरावर बसवले. फक्त असेच पुढचे ३८ वर्षे मला प्रेम देत राहा. मी प्रयत्न करेल की, आपल्या मेहनत आणि तुमच्या प्रेमाने असेच यशाच्या शिखरावर कायम राहील. धन्यवाद.”
अनिल कपूर यांनी यापूर्वी शेअर केलेल्या फोटोत ते मुंबईच्या रस्त्यांवर चालताना दिसत आहेत. यासोबतच त्यांनी एका विंटेज कारचा फोटोही शेअर केला आहे.
अनिल कपूर यांच्या या फोटोवर बी- टाऊन अर्थातच बॉलिवूड कलाकार भरभरून कमेंट्स करत आहेत. यासोबतच त्यांचे चाहतेही आपल्या लाडक्या अभिनेत्याच्या पोस्टवर लाईक्स आणि कमेंट्सचा पाऊस पाडत आहेत.
अनिल कपूर यांनी आपल्या चित्रपट कारकिर्दीत अनेक हिट सिनेमे दिले आहेत. कॉमेडी चित्रपट ‘नो एंट्री’साठी त्यांना राष्ट्रीय चित्रपट पुरस्कारही मिळाले आहेत. ते आपल्या आगामी प्रोजेक्टवर काम करत आहेत. त्यामुळे प्रेक्षक पुन्हा एकदा आपल्या लाडक्या अभिनेत्याला मोठ्या पडद्यावर पाहू शकणार आहेत.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-लोकांची मदत करता- करता सोनूने सुरू केले आपले सुपरमार्केट; १० अंड्यांवर मिळतेय ‘ही’ जबरदस्त ऑफर
-बापरे! एका वर्षात प्रभासने नाकारल्या होत्या, एक- दोन नाही, तर तब्बल ‘इतक्या’ कोटी रुपयांच्या जाहिराती
-‘…नैणा ठग लेंगे’, म्हणत प्रार्थना बेहेरेच्या नजरेने केला चाहत्यांच्या हृदयावर वार; ग्लॅमरस फोटो होतायेत व्हायरल