बॉलिवूडमध्ये कोणताही अवॉर्ड शो असो किंवा कोणताही रियॅलिटी शो होस्ट करणे असो आपल्या विनोदी स्वभावाने वातावरण हलकं- फुलकं करणारा सूत्रसंचालक, अभिनेता म्हणजे मनीष पॉल. खरं तर अनेकांना हो गोष्ट माहीत नसेल की, मनीष पॉलला अभिनेता बनयाचे होते. त्याच्या या स्वप्नाला पूर्ण करण्यासाठी त्याने एक फोटोशूट केले होते. हे फोटोशूट त्याने दिल्लीमध्ये केले होते. मनीष पॉलने त्याच्या शाळेच्या वेळेचा फोटो इंस्टाग्रामवर शेअर केला आहे. या फोटोमध्ये तो खूपच निरागस दिसत आहे. त्याला ओळखणेही कठीण झालं आहे. (Manish Paul share his photo shoot on social media)
या फोटोसोबत त्याने कॅप्शन दिले आहे. त्याने लिहिले आहे की, “मला अजूनही आठवत आहे. माझ्या डोळ्यातील स्वप्न पूर्ण करण्यासाठी दिल्लीमधील एका फोटो लॅबमध्ये फोटो काढण्यासाठी गेलो होतो. त्याने माझे पिंपल्स लपवण्यासाठी माझा थोडा मेकअप देखील केला होता. तो म्हणाला होता की, भावा तू हिरो दिसतोय. खरंच त्या मुलाच्या हिमतीचे कौतुक केले पाहिजे. तसा आईने काळा धागा बांधला होता, जेणेकरून तिच्या मुलाला कोणाची नजर लागू नये. हाहाहा मम्मी.” या कॅप्शनच्या शेवटी त्याने मिठी मारलेली आणि फोल्डेड हॅन्डची ईमोजी पोस्ट केली आहे.
मनीष पॉल हा एक लोकप्रिय सूत्रसंचालक आहे. तो जेव्हा मंचावर येतो, तेव्हा त्याच्या सूत्रसंचालनाची जादू सर्वत्र पसरते. काही दिवसांपूर्वी तो ‘फिल्मफेअर’ पुरस्कार सोहळ्यात होस्ट होता. त्याने यामध्ये चांगलीच रंगत आणली होती. त्याच्या विनोदी स्वभावाने तो सगळ्यांची मन जिंकून घेतो. तो जेव्हा मंचावर येतो, तेव्हा सर्वत्र जल्लोष होत असतो. या शोमध्ये त्याची मजा, मस्ती पाहायला मिळाली होती. तसेच अभिनेत्रींसोबत फ्लर्ट देखील करत होता. प्रेक्षकांना त्याचा हा अंदाज एन्जॉय केला होता. तसेच त्याने सनी लिओनीसोबत डान्स देखील केला होता.
मनीष पॉल या वर्षी धर्मा प्रोडक्शनच्या चित्रपट ‘जुग जुग जियो’ चित्रपटात वरुण धवन, कियारा आडवाणी, अनिल कपूर आणि नीतू कपूरसोबत दिसणार आहे.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-‘सुंदरा मनामध्ये भरली’ फेम अक्षयाची ऑनस्क्रीन सासूसोबत आहे खास मैत्री; भावना व्यक्त करत म्हणाली…
