बॉलिवूड अभिनेता शाहिद कपूर आपल्या दमदार अभिनयाच्या जोरावर त्याच्या चाहत्यांच्या मनावर राज्य करत आहे. मात्र त्याची पत्नी मीरा राजपूत भलेही चित्रपटांमध्ये काम करत नसेल, पण तिची लोकप्रियता एखाद्या अभिनेत्रीपेक्षा कमी नाही. मीराला इंस्टाग्रामवर ३.३ मिलियन युजर फॉलो करतात. त्यामुळेच तिच्या पोस्ट सोशल मीडियावर व्हायरल होत असतात. आता ही जोडी सना कपूरच्या लग्नात महाबळेश्वरला पोहोचली आहे. शाहिद कपूरची बहीण सना कपूरने बुधवारी (२ मार्च) मनोज पाहवा आणि सीमा पाहवा यांचा मुलगा मयंक पाहवासोबत लग्न केले. पंकज कपूर आणि सुप्रिया पाठक यांची मुलगी सना कपूर तिच्या लग्नाच्या निमित्ताने खूपच सुंदर दिसत होती. त्याचवेळी, त्यांच्या लग्नात ज्याने सर्वांचे लक्ष वेधून घेतले ती होती वहिनी मीरा राजपूत. मीरा तिच्या नंदेच्या लग्नात खूपच सुंदर दिसत होती.
मीरा राजपूतने इंस्टाग्रामवर शाहिद कपूरसोबतचा (Shahid Kapoor) तिचा फोटो शेअर केला आहे. या फोटोमध्ये शाहिद कपूर नेहमीप्रमाणे काळ्या कुर्त्यामध्ये सुंदर दिसत आहे. तर मीरा राजपूत (Mira Rajput) देखील पांढऱ्या लेहेंग्यात खूपच सुंदर दिसत आहे. एकत्र, दोघेही मेड फॉर इच ऑदर कपलसारखे दिसत होते. मीरा राजपूतने फोटोसोबत कॅप्शनमध्ये हार्ट शेपचा इमोजी पोस्ट आहे. मीरा राजपूतने पांढऱ्या लेहेंग्यासह जड कानातले घातले होते. तसेच, तिने तिचे केस मोकळे सोडून तिचा लूक पूर्ण केला.
वर्कफ्रंटबद्दल बोलायचे झाले, तर शाहिदचे चांगले चित्रपट आता प्रदर्शनासाठी साठी तयार आहेत. शाहिद कपूर लवकरच ‘जर्सी’ या चित्रपटात दिसणार आहे. याशिवाय, तो राज निदिमोरू आणि कृष्णा डीके दिग्दर्शित थ्रिलर ड्रामा वेबसीरिज तसेच अली अब्बास जफरच्या ऍक्शन फिल्ममध्ये देखील दिसणार आहे. याशिवाय शाहिद आदित्य निंबाळकरच्या ‘वळू’ या चित्रपटातही दिसणार आहे. जो एप्रिल २०१३ मध्ये चित्रपटगृहात प्रदर्शित होणार आहे.
हेही वाचा –
