छाेट्या पडद्यावरील लाेकप्रिय मालिका ‘अनुपमा‘ चाहत्यांच्या हृदयावर सतत राज्य करत आहे. शोचा आगामी ट्विस्ट आणि टर्न प्रेक्षकांच्या पसंतीस उतरला आहे. त्याचवेळी, शोमध्ये पुन्हा एकदा असेच काही घडणार आहे, जे पाहून प्रेक्षकांना आश्चर्याचा धक्का बसेल. टीव्ही जगतातील प्रेक्षकांची आवडती अभिनेत्री सुप्रिया पिळगावकर हिची अनुपमा मालिकेत एन्ट्री होणार असून या शोमध्ये ती महत्त्वाची भूमिका साकारणार असल्याचे वृत्त आहे.
माध्यमांतील वृत्तानुसार, सुप्रिया पिळगावकर (supriya pilgaonkar) या शोमध्ये शिक्षिकेच्या भूमिकेत दिसणार आहे. अनेक वृत्तांमध्ये असा दावा करण्यात आला आहे की, ती अनुज कपाडियाच्या आईच्या भूमिकेत दिसणार आहे. मात्र, अनुज कपाडियाच्या आईच्या भूमिकेबाबत प्रेक्षकांमध्ये काहीसा सस्पेन्स आहे कारण अनुजच्या आई-वडिलांचा विमान अपघातात मृत्यू झाला आहे. हे प्रेक्षकांना चांगलेच ठाऊक आहे. मात्र, माध्यमांतील वृत्तानुसार, सुप्रिया शिक्षिकेच्या भूमिकेत शोमध्ये प्रवेश करणार असल्याचे सांगण्यात आले आहे. ती त्याच ठिकाणची शिक्षिका आहे जिथे अनुपमाने तिचे महाविद्यालयीन शिक्षण पूर्ण करण्यासाठी प्रवेश घेतला होता.
शोचा एक प्री-कॅप व्हिडिओ नुकताच कलर्सच्या इंस्टाग्रामवर शेअर करण्यात आला होता, ज्यामध्ये असे दिसून आले की, अनुपमा आणि अनुज त्यांची पहिली दिवाळी एकत्र साजरी करण्यासाठी खूप उत्सुक आहेत आणि दोघांनाही ती अविस्मरणीय बनवायची आहे. अनुप धनत्रयोदशीच्या दिवशी अनुपमाला एक कॉलेज फॉर्म भेट देतो आणि अनुपमाला तिची स्वप्ने जगायला सांगतो.
अनुजकडून ही अप्रतिम भेट मिळाल्याने अनुपमाला खूप आनंद हाेताे. यानंतर अनुज तिला बाईकवर बसून कॉलेजमध्ये प्रवेश घेण्यासाठी जाताना दिसतो. मात्र, अनुपमाचा हा प्रवास सोपा नसतो. अनुपमाला तिच्या निम्म्या वयाच्या विद्यार्थ्यांच्या विरोधाला सामोरे जावे लागते ज्यासाठी अनुपमा तयार देखील असते. मात्र, अनुपमाचे आव्हान तेव्हा वाढते जेव्हा सगळे तिच्या विरोधात उभे राहतात, तेव्हा काेणीतरी खास व्यक्ती तिच्या अडचणी कमी करायला येतात. माध्यमांतील वृत्तानुसार, ती दुसरी कोणी नसून नवीन एंट्री सुप्रिया पिळगावकर असेल जी अनुपमाच्या शिक्षिकेच्या भूमिकेत दिसणार आहे.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
जगावेगळंच! मल्लिका लवकर झोपते म्हणून बॉयफ्रेंडला असते ‘ही’ तक्रार, अभिनेत्रीचा मोठा खुलासा
‘बोल्ड सीनमुळे दिला होता खालच्या पातळीची महिला म्हणून टॅग’, मल्लिका शेरावतचा खुलासा
