बॉलिवूड आणि टॉलिवूडचे ज्येष्ठ गायक हरिहरन यांचा रविवारी (३ एप्रिल) रोजी वाढदिवस आहे. ते आज ६७ वा वाढदिवस साजरा करत आहे. हरिहरन यांनी अनेक भारतीय भाषांमध्ये गाणी गायली आहेत आणि आपल्या गायनाने चाहत्यांची मने जिंकली आहेत. त्याच्या काही सुपरहिट गाण्यांमध्ये ‘तू ही रे’, ‘बाहों के दरमियां’, ‘रोजा जानेमन’, ‘छोड आये हम’ यांचा समावेश आहे. हरिहरन हे गझल गायक देखील आहेत. हरिहरन यांनी ५०० हून अधिक तमिळ गाणी आणि सुमारे २०० हिंदी गाणी गायली आहेत. त्यांना पद्मश्रीनेही गौरविण्यात आले आहे. त्यांना दोनदा राष्ट्रीय पुरस्कारही मिळाले आहेत.
हरिहरन हे प्रसिद्ध कर्नाटक गायिका श्रीमती अलमेलू यांचे पुत्र आहेत. त्यांनी त्यांचे वडील अनंत सुब्रमणि यांच्याकडून भारतीय शास्त्रीय संगीत शिकण्यास सुरुवात केली. त्याने माटुंग्याच्या डॉन बॉस्को हायस्कूलमधून बारावीपर्यंत शिक्षण घेतले आणि त्यानंतर मुंबईच्या सेंट झेवियर्स कॉलेजमधून पदवी प्राप्त केली. १९७७ मध्ये त्यांनी ‘ऑल इंडिया सूर सिंगार कॉम्पिटिशन’ हा गायन कार्यक्रम जिंकला.
हा शो जिंकल्यानंतर हरिहरन (हरिहरन विन्स रिअॅलिटी शो) हा लोकप्रिय चेहरा बनला. माध्यमातील वृत्तानुसार हरिहरन यांचा मधुर आवाज ऐकून दिवंगत संगीत दिग्दर्शक जयदेव यांनी त्यांना गायक म्हणून साइन केले. यानंतर हरिहरन यांनी मागे वळून पाहिले नाही. १९९६ मध्ये, हरिहरनने लेस्ली लुईससोबत दोन सदस्यीय बँड तयार केला आणि त्याला ‘कॉलोनिअल कजिन्स’ असे नाव दिले.
हरिहरन आणि लेस्ले लुईस या जोडीने अनेक भाषांमध्ये उत्कृष्ट संगीत दिले आहे. ए आर रहमान, उस्ताद गुलाम मुस्तफा खान, लता मंगेशकर, आशा भोसले, मेहंदी हसन हे हरिहरन यांचे आवडते संगीतकार आहेत. हरिहरन या दिग्गज गायकांकडून खूप प्रेरित आहेत. अष्टपैलुत्वाने समृद्ध असण्यासोबतच हरिहरन यांना प्रवास आणि वाचनाचीही आवड आहे.
दक्षिण भारतीय आणि इटालियन खाद्यपदार्थ हे हरिहरन यांचे आवडते खाद्य आहे. त्यांच्याप्रमाणे त्यांची मुलेही संगीत क्षेत्रात काम करतात. त्यांचा मुलगा अक्षय हरिहरन आणि मुलगी लावण्य हरिहरन हे पार्श्वगायक आहेत. दोघांनी अनेक तमिळ आणि हिंदी गाणी गायली आहेत. दोघांनीही वडिलांसोबत अनेक गाणी गायली आहेत.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
- HAPPY BIRTHDAY: विक्रांत मैसीने बॉलिवूडमध्ये पदार्पण करण्यापूर्वी टीव्ही शोमध्ये निभावल्या आहेत मनोरंजक भूमिका
- अभिनेत्री मलाइका अरोराच्या गाडीचा अपघात, जखमी अभिनेत्रीला मनसैनिकांनी नेले रुग्णालयात
- Fraud अभिनेता राजकुमार रावची झाली मोठी फसवणूक, सोशल मीडियावरुन माहिती देत केली ही विनंती
