रणबीर कपूर (Ranbir Kapoor)सध्या ‘ॲनिमल’ चित्रपटाच्या यशाचा आनंद साजरा करत आहे. या चित्रपटातील त्याचा अभिनय पाहून सर्वांनाच आश्चर्याचा धक्का बसला आहे. बॉलीवूडमधील प्रत्येक दिग्दर्शक त्याच्यासोबत काम करण्यास उत्सुक असतो, मात्र रणबीर कपूरने संजय लीला भन्साळी यांच्यासोबत काम करण्याचे ठरवले आहे. तो दिग्दर्शकाच्या आगामी ‘लव्ह अँड वॉर’ या चित्रपटात दिसणार आहे. या चित्रपटात त्याच्यासोबत त्याची पत्नी आलिया भट्ट (Alia BHAtt)आणि विकी कौशल (Vicky kaushal) देखील दिसणार आहेत. या चित्रपटात रणबीर एका वेगळ्या अवतारात दिसणार आहे.
युद्धाच्या पार्श्वभूमीवर बनत असलेला ‘लव्ह अँड वॉर’ हा चित्रपट ट्रँगल लव्हस्टोरी असणार आहे. माध्यमातील वृत्तानुसार या चित्रपटात रणबीर कपूरची भूमिका हिरोसारखी असणार नाही आणि तो खलनायकाची भूमिकाही साकारणार नाही. या चित्रपटात रणबीर वेगळ्या प्रकारची व्यक्तिरेखा साकारणार आहे, जी नायक आणि खलनायक यांच्यात असणार आहे. संजय लीला भन्साळी रणबीर कपूरसाठी अशी व्यक्तिरेखा साकारत आहेत जे पूर्णपणे सकारात्मक किंवा नकारात्मकही नसेल. एक पात्र ज्याचा प्रेक्षक तिरस्कार करू शकणार नाहीत किंवा पूर्णपणे प्रेम करू शकणार नाहीत. रणबीरची ही व्यक्तिरेखा त्याच्या आधीच्या ‘ॲनिमल’ चित्रपटापेक्षा खूपच वेगळी असणार आहे.
बॉलिवूडमध्ये संजय लीला भन्साळी महागडे बजेट चित्रपट बनवण्यासाठी प्रसिद्ध आहेत. त्याचे सर्वच चित्रपट भव्यदिव्य आहेत. ते ‘लव्ह अँड वॉर’ची निर्मितीही मोठ्या प्रमाणावर करणार आहेत. या प्रेमकथेत रणबीर कपूरसोबत आलिया भट्ट आणि विकी कौशल देखील दिसणार आहेत. ‘लव्ह अँड वॉर’बद्दल प्रेक्षकांमध्ये आधीच उत्सुकता आहे.
संजय लीला भन्साळी यांची ‘हिरामंडी’ ही वेबसिरीज नेटफ्लिक्सवर रिलीजसाठी सज्ज आहे. आता दिग्दर्शक त्याचा आगामी चित्रपट ‘लव्ह अँड वॉर’च्या शूटिंगमध्ये व्यस्त होणार आहे. चित्रपटाच्या कथा आणि संगीतावर काम सुरू झाले आहे. माध्यमातील वृत्तानुसार रणबीर कपूरच्या या चित्रपटाचे शूटिंग नोव्हेंबर 2024 मध्ये सुरू होणार आहे.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
‘भक्षक’ चित्रपटाच्या स्पेशल स्क्रिनिंगला पोहोचले स्टार्स, काळ्या साडीत भूमी पेडणेकरने लुटली लाइमलाइट
मयुरी देशमुख आणि भूषण प्रधानच्या लग्नात वाजणार ‘सनई चौघडे’ ‘लग्नकल्लोळ’ मधील ‘सनई संग’ गीत प्रदर्शित
