एकता कपूर (Ekta Kapoor) आणि शोभा कपूर यांच्या अडचणीत वाढ होताना दिसत आहे. बिहार न्यायालयाने या दोघींविरुद्ध अटक वॉरंट जारी केले आहे. बेब सीरीज ट्रिपल एक्स संदर्भात कोर्टाने हे अटक वॉरंट जारी केले आहे, ज्यामध्ये देशाच्या सैनिकांच्या पत्नीचे सैनिकांच्या गणवेशात इतर लोकांशी शारीरिक संबंध असल्याचे दाखवण्यात आले होते. आता बिहारच्या बेगुसरायमध्ये दाखल झालेल्या या प्रकरणी अटक वॉरंट जारी करण्यात आले आहे.
या बेब सीरिजला लष्कराचा अपमान मानून गेल्या वर्षी म्हणजेच 2021 मध्ये बेगुसरायच्या कोर्टात खटला दाखल करण्यात आला होता. या प्रकरणी कोर्टाने एकता कपूर आणि शोभा कपूर यांच्याविरोधात अटक वॉरंट जारी केले आहे. या संपूर्ण प्रकरणाची माहिती देताना बेगुसरायचे वकील हृषिकेश पाठक म्हणाले की, कंपनीच्या निर्मात्या एकता कपूर आणि शोभा कपूर यांनी ही वेब सिरीज एका निकृष्ट वेब सिरीज पोर्टलवर टाकली होती, ज्यामध्ये भारतीय सैनिकांचा अपमान करण्यात आला होता.
देशाचे रक्षण करणारे भारतीय सैनिक, ज्यांच्यामुळे आपण सुरक्षित आहोत, ते ड्युटीवर असताना त्यांची पत्नी तिच्या मैत्रिणींना बोलावते आणि लष्कराचा गणवेश घालून शारीरिक संबंध प्रस्थापित करते, या वेबसिरीजवर प्रसारित करण्यात आली होती. अधिवक्ता पाठक यांनी सांगितले की, या वेब सिरीजच्या निर्मात्यांवर विविध जिल्ह्यांमध्ये खटला दाखल करण्यात आला आहे. या संदर्भात बेगुसरायमध्येही एक्स-सर्व्हिसमेन सेलचे शंभू कुमार यांनी बेगुसराय कोर्टात केस दाखल केली होती.
वकिलाने सांगितले की, हे प्रकरण राजीव कुमार यांच्या कोर्टातून विकास कुमारच्या कोर्टात हस्तांतरित करण्यात आले आणि तेथून हे अटक वॉरंट जारी करण्यात आले आहे. अधिवक्ता हृषिकेश पाठक यांनी सांगितले की, तमिला अहवालाची पुष्टी करताना दोघांविरुद्ध अटक वॉरंट जारी करण्यात आले आहे.
दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा – दाक्षिणात्य सिनेसृष्टी शोकसागरात! अभिनेता महेश बाबूच्या आईचे दुखःद निधन
लता मंगेशकर यांच्यासाठी ‘हे’ गाणे होते खूपच कठीण, मात्र एसपी बालसुब्रमण्यम यांच्या मदतीमुळे गाणे झाले सुकर
लता मंगेशकर यांनी थेट ‘सीआयडी’मधील एसीपी प्रद्युमनवर रोखली होती बंदूक, वाचा रंजक किस्सा
