काहे दिया परदेस फेम ‘ऋषी सक्सेना’ याच्या वाढदिवसाच्या निमित्त गर्लफ्रेंड ईशाची खास पोस्ट

अभिनेता ऋषी सक्सेना याचा आज वाढदिवस आहे. त्याचा जन्म ३ मार्च १९९० रोजी झाला. आज त्याचा ३३ वाढदिवस. त्याने ‘काही दिया परदेस’ या मराठी मालिकेतुन मराठी सिनेसृष्टीत पाऊल ठेवले. या मालिकेत त्याने ‘शिव’ ही भूमिका साकारली होती. या मालिकेत त्याच्या सोबत मराठमोळी अभिनेत्री सायली संजीव हिने ‘गौरी’ हे पात्र साकारले होते. या मालिकेमुळे दोघांनाही एक वेगळी ओळख निर्माण केली होती. या मालिकेला खूप प्रेम आणि पसंती दिली होती. त्यामुळे शिव आणि गौरी म्हणजेच ऋषी आणि सायली हे दोघेही या मालिकेतून घराघरात पोहोचले.

‘ऋषी’ हा त्याच्या चित्रपटांमुळे चर्चेत असतोच पण, तो सध्या त्याच्या वैयक्तिक जीवनामुळे चर्चेत आहे. ऋषी (rishi saxsena) हा जय मल्हार मधील सर्वांची लाडकी बानू म्हणजेच अभिनेत्री ईशा केसकर (Isha Keskar) हिच्या सोबत रिलेशनशिपमध्ये आहे. त्यामुळे ते दोघेही चर्चेत आहे. ते दोघे हि सोशल मीडियावर त्यांचे फोटो शेअर असतात. ते दोघेही एकमेकांना डेट करत असून दोघांनीही वेळोवेळी एकमेकांबद्दलच प्रेम व्यक्त केलं आहे.

ऋषीच्या वाढदिवसानिमित्त ते दोघेही फिरायला गेले आहेत. यावेळी इशा केसकर हिने ऋषी याच्या वाढदिवसानिमित्त खास व्हिडीओ शेअर केला आहे. यात ते दोघेही रोमँटिक डान्स करताना दिसत आहे. या व्हिडीओ कॅप्शन लिहिले आहे की, तुला वाढदिवसाच्या हार्दिक शुभेच्छा! तू तू खरंच सर्वोत्कृष्ट आहेस. माझं तुझ्यावर मनापासून प्रेम आहे.”